އެންވަޔަރަމެންޓަލް ޕްރޮޓެކްޝަން އެޖެންސީ (ޢީޕީއޭ) އިން ނެރުނު ބަޔާނެއްގައި ބުނީ ޅ. ހިންނަވަރު މަގު ހެދުމާއި ފެން ހިންދާ ނިޒާމެެއް ގާއިމުކުރުމުގެ ގޮތުން އެ އެޖެންސީ ފާސްކޮށްފައިވާ ތިމާވެއްޓަށް އަސަރުފޯރާނެ މިންވަރު ބަޔާންކުރާ ރިޕޯޓް އީއައިއޭގެ ހިމެނިފައި ނުވާ މަގުތަކެއް ހަދާކަން އެނގިގެން އެކަން ބެލިކަމަށެވެ. އަދި އެޖެންސީ ބެލިބެލުމުން މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން މަސައްކަތް ހަވާލުކުރި ރޯޑް ޑިވޮލޮޕްމެންޓާއި އެކު ހަދާފައިވާ އެއްބަސްވުމުން އީއައިއޭ ހަދާފައި ނުވާ މަގުތަކެއް ހަދާފއިވާކަން ޔަގީން ކުރެވިފައިވާކަމަށެވެ.
ޅ. ހިންވަރުގެ މަގުހެދުމުގެ މަސްރޫއިު އީ.އައި.އޭ އާއި ހިލާފަށް އީ.އައި.އޭ ގައިވާ ކޮންސެޕްޓުގައި ހިމެނިފައިނުވާ މަގުތަކުގައި މަސައްކަތް ކޮށްފައިވާތީ މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ 2 ލައްކަ ރުފިޔާއިން ޖޫރިމަނާކުރާކަމަށް އީޕީއޭގެ ބަޔާނުގައިވެއެވެ. އަދި މި ފައިސާ 1 މަސްދުވަހުގެ ތެރޭގައި ދެއްކުމަށްވެސް އީޕީއޭއިން ވަނީ އަންގާފައެވެ.
