ސަސްޕެންޑްކޮށްފައިވާ ވެލެންސިޔާގެ އެންޑޯޒްމެންޓާއެކު ދެން އެފްއޭއެމްގެ އިންތިހާބުގައި ޓޮމްއަށް ތާއީދުކުރަނީ ޓީސީއާ މާޒިޔާއެވެ. ކުރިން، ޖެނުއަރީ 31 ގައި ބާއްވަން އޮތް އިންތިހާބުގައި ވެސް، ތޯރިގް ކުރިމަތިލެއްވީ ވެލެންސިއާގެ އެންޑޯޒްމެންޓާ އެކު އެވެ. އޭރު އިންތިހާބަށް ކުރިމަތިލެއްވި މުފާވިޒު ހާޝިމްގެ ތާއީދު ލިސްޓްގައި ވެސް ވެލެންސިއާގެ ނަން އޮތުމުން، އެފްއޭއެމްގެ އިލެކްޓޯރަލް ކޮމިޓީން ނިންމީ އެ ކްލަބްގެ ތާއީދު ސިޓީ ކެންސަލް ކުރުމަށެވެ.
އެފްއޭއެމްގެ އިންތިހާބަށް ކުރިމަތިލެވޭނީ ފުރަތަމަ ޑިވިޝަނުން މަދުވެގެން ތިން ކްލަބްގެ ތާއީދު ސިޓީ ލިބިގެންކަމަށް އެފްއޭއެމުން ބުނެ އެވެ. އެހެންކަމުން ސަސްޕެންޑްކޮށްގައިވާ ވެލެންސިޔާގެ އެންޑޯޒްމެންޓާއެކު ޓޮމްގެ ކެންޑީޑޭސީ ބާތިލުކުރާނެ ކަމަށް ބެލެވެއެވެ.
އިންތިހާބަށް ވާދަކުރަން ޓޮމް ނޮމިނޭޓް ކުރި އޭނާގެ ޓީމުގައި ހިމެނެނީ މީގެ ކުރިން އެފްއޭއެމްގެ ރައީސްކަން ވެސް ކުރައްވާފައިވާ ޓޮމްގެ ހިންގާ ކޮމެޓީގައި ހިމެނެނީ، ކީޕަރު އިމްރާން މުހައްމަދު، މާޒިޔާގެ ސީއީއޯ ހުސައިން ޝާފިއު (ކޮއްކީ)، ޢަބްދުލް ހަމީދު ޢަބްދުލްގަފޫރު (އައްޑޯ)، އަހުމަދު ޝާހިރު، އުލާ އިބްރާހީމް، މުހައްމަދު މިފްތާހު، އަލީ ރިޒްވާން އަދި އަބްދުﷲ ނާސިހުއެވެ.
