ސިޔާސީ ޕާޓީތަކަށް ރައްޔިތުންގެ ފައިސާ ދިނުން ހުއްޓާލަންޖެހޭ ކަމަށް އުމަރު ވިދާޅުވިއިރު "އެދޭ ރާއްޖެ" ހަރަކާތުން ވަނީ "ސިޔާސީ ޕާޓީތައް ރިފޯމް ކުރަން" އިސްލާހީ ހަރަކާތަކަށް ގޮވާލާފަ އެވެ. "ސިޔާސީ ޕާޓީތަކުގެ ރިފޯމަށް" ގާނޫނު އަސާސީގައި ހިމެނުމަށް ގޮވާލާ ކަންކަމުގެ ތެރޭގައި:
ހުށައެޅުން
ނަތީޖާ
މިއަދުގެ ސިޔާސީ ހަގީގަތަކީ ރާއްޖޭގެ ޑިމޮކްރަސީގެ ނިޒާމު ހަރުދަނާކޮށް، މިހާރު ހުރި މައްސަލަތަކަށް ހައްލު ހޯދުމަށް ފުރަތަމަ ކުރަންވީ ކަމަކީ "ބަހުސެއް" އުފައްދާ ހިޔާލު ފާޅުކުރުމެވެ. އެ ހިޔާލުފާޅުކުރުންތަކުގެ ތެރެއަށް ސިޔާސީ ޕާޓީތަކުގެ ރިފޯމް މައުލޫ ވެއްދުމެވެ.
ރާއްޖެއަށް ޑިމޮކްރަސީ ގެނައުމަށް 2000ގެ އަހަރުތަކުގެ ކުރީކޮޅުގައި ކުރި ފަދަ އިސްލާހީ މަސައްކަތަކެއް އަލުން ފެށިއްޖެ ނަމަ މިއަދު ރާއްޖޭގެ ހިންގުމުގެ ނިޒާމުގެ ތެރެއިންނާއި ސިޔާސީ ޕާޓީތަކުން މިފެންނަ ފުރިހަމަ ނޫން، ނުރަނގަޅު، ގޯސް އެތައް ކަމެއް ރަގަނޅު ކުރުމަށް ފުރުސަތު ދިވެހިންނަށް ފަހިވެގެންދާނެ އެވެ.
ދިވެހިރާއްޖޭގެ ޑިމޮކްރަސީ ފައްކާވަމުން އަންނާނީ މަދަނީ މުޖްތަމައުއާއި ރައްޔިތުންގެ ބައިވެރިވުމާއި، ސިޔާސީ ޕާޓީތަކުގެ ދައުރާއެކުގައި އެވެ. ކޮންމެ ސިޔާސީ ހަރަކާތަކީ ވެސް ގައުމުގެ ކުރިމަގަށް ޓަކައި، ފާޑުކިޔުމާއި، މަޝްވަރާކުރުމާއި، އަދި ހައްލު ހޯދުމުގެ މަގު ފަހިކޮށްދޭ ކަމެކެވެ.
މަދު ބައެއްގެ ތާއިދު ހޯދައިގެން މުޅި ޕާޓީ ނުވަތަ ގައުމު އަޅުވެތިކަމުގައި ބާއްވައިގެން ހިންގާ ކަމުގެ ތުހުމަތުގެ އަޑު ކިތަންމެ ގަދަވެ ކިތަންމެ ބޮޑު ގޯހެއް ހެދި ކަމަށް ފެނުނަސް ކުރެވޭނެ ކަމެއް ވެސް ނެތެވެ. އެކަމުގެ ސަބަބުން ލިބޭ ގެއްލުން އިންތިހާއަށް ބޮޑުވިޔަސް އެޅޭނެ ތަހުޒީބު ފިޔަވަޅެއް ހޯދިފާ ނެތުމަކީ އެންމެ ބޮޑު އެއް ގޯހެވެ. ޒަމާން ބަދަލުވެ މީހުން ތަހުޒީބުގެ މަގަށް ދަތުރުކުރާއިރު، ޕާޓީ ހިންގަން ހަވާލުވެ ހުންނަ މީހަކާ މެދު ގޮތް ނިންމުމުގެ ބާރު އާންމު މެމްބަރުންނަށް ލިބިދޭނެ އުސޫލަކުން ޕާޓީތައް ހިންގަން މަޖުބޫރީ ހާލަތަކަށް ނުދޭތޯ އެވެ.
އެކްސްގައި ކުރެއްވި ޕޯސްޓެއްގައި އުމަރު ވިދާޅުވީ އޭނާގެ ސަރުކާރެއްގައި ސިޔާސީ ޕާޓީތަކުގެ ނިޒާމަށް ވަރަށް ބޮޑެތި އިސްލާހުތަކެއް ގެންނާނެ ކަމަށާއި އެގޮތުން އެޅޭނެ އެންމެ މުހިންމު އެއް ފިޔަވަޅަކީ ޕާޓީތަކަށް ދޭ ފައިސާ އެއްކޮށް ހުއްޓާލުން ކަމަށެވެ.
ދައުލަތުން ސިޔާސީ ޕާޓީތަކަށް ދޭ ފައިސާ ކަނޑާލުމަށް ފަހު، އެ ފައިސާ ބޭނުންކުރާނީ ގައުމީ ފެންވަރުގައި ކުރިއަށްގެންދާ ދިރާސާތަކަށާއި އީޖާދީ މަސައްކަތްތަކަށް ކަމަށް އުމަރު ވިދާޅުވި އެވެ.
ސިޔާސީ ޕާޓީގެ ގާނޫނުގައިވާ ގޮތުން، ޕާޓީތަކަށް ފައިސާ ދޫކުރަނީ ދައުލަތުގެ އަހަރީ ބަޖެޓުގައި އެ އަހަރަކަށް ލަފާކުރާ އާމްދަނީގެ 0.1 ޕަސެންޓެވެ. އެ ފައިސާ ބަހާނީ، 10،000 މެމްބަރުން ހަމަވާ ޕާޓީތަކުގެ މެދުގައި، މެންބަރުން ތިބި ނިސްބަތަށް ބަލައިގެންނެވެ
