ހުޅުމާލެ
ހުޅުމާލެއަށް ވީހާވެސް އަވަހަކަށް 6 ސްކޫލް ބޭނުންވޭ
މުހައްމަދު އާދަމް އަހްމަދު
19 މާރޗް 2024 - 11:37:45
ހުޅުމާލޭގައި ދިރިއުޅޭ ކުދިންނަށް ތައުލީމޫ ކަށަވަރުކޮށްދިނުމަށް ވީ އެންމެ އަވަހަކަށް ހުޅުމާލެއަށް އިތުރު 6 ސްކޫލް ބޭނުންވާކަމަށް ތައުލީމާއި ބެހޭ ވަޒީރު ޑރ. އިސްމާއިލް ޝަފީއު ވިދާޅުވެއްޖެއެވެ.
ވަޒީރު މިހެން ވިދާޅުވީ ރައްޔިތުން މަޖިލީހުގެ މެމްބަރަކު ކުރެއްވި ސުވާލަކަށް ޖަވާބުދެއްވަމުންމެވެ. ވަޒީރު ޝަޕީއު ވިދާޅުވީ ހުޅުމާލޭގެ 2 ފޭސް ހިމެނޭ ގޮތަށް ޖުމްލަ 6 ސްކޫލް ވީހާ އަވަހަކަށް ބޭނުންވާކަމަށެވެ.
ވަޒީރު ވިދާޅުވީ ހުޅުމާލޭ ފޭސް 2 ގައި މިވަގުތު ހުރު ހަމައެކަނި ސްކޫލް ސަލާހުއްދީން ސްކޫލަށް ކުދިން ވެއްދުމަށް މިދިޔަ ހަފްތާއާއި ހަމައަށް 800 ވުރެ ގިނަ ރިކުއެސްޓް ލިބިފައިވާކަމަށެވެ.
އެހެންކަމުން މިހާރު އެންރޯލްމަންޓް ހުރި ގޮތުން ހުޅުމާލެ ފޭސް 2ގައި މިހާރު އިމާރާތްކުރަމުން އަންނަ ސްކޫލްގެ އިތުރަށް އަދި 4 ސްކޫލެއް ބޭނުންވާކަމަވެެ. އަދި ހުޅުމާލޭ ފޭސް 1 އަށް އަދި މަދުވެގެން 2 ސްކޫލް ބޭނުންވާކަން ވެސް ތައުލީމީ ވަޒީރު ފާހަގަކުރެއްވިއެވެ.
"މި ނިމޭ ހިޔާވަހިކަމުގެ މަޝްރީޫއުތައް ނިމުނީމާ މީހުން އަބާދުވާބެ ނިސްބަތަށް ޕްރޮޖެކްޝަނެއް ހަދާލީމާ އަޅުގަނޑުމެންނަށް މި ގަބޫލުކުރެވެނީ ހަމަ 2 ޝެޝަނަށްވެސް އަދި ކޭޓަރ ކުރެވޭނީ މަދުވެގެން އަދި ދެ ސްކޫލް ފޭސް 1 އަށް ލިބިގެން ފޭސް 2 އަށް އަދި 4 ސްކޫލް ލިބިގެންކަން ކޭޓާ ކުރެވޭ ވަރުވާނީ. އޭއީ އަދި ތައުލީމުގެ ކަށަވަރުކަން އިނގޭތޯ. އަދި 1 ސެޝަނަށް ހެދުމެއްވެސް ނޫން." މިނިސްޓަރ ޝަޕީއު ވިދާޅުވިއެވެ.
ހުޅުމާލޭ ފޭސް 1 ގައި މިހާރު ހުންނަނީ 2 ސްކޫލެވެ. ފޭސް 2 ގައި ހުންނަނީ ހަމައެކަނި ސަލާހުއްދީން ސްކޫލެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
