މަގުމަތީގައި ނުގަވައިދުން ބާއްވާފައި އޮތް އުޅަނދެއް މިމަހުގެ 13 ވަނަ ދުވަހު ފުލުހުން ނަގަނީ. ފޮޓޯ: ޕޮލިސް މީޑިއާ
މިހާތަނަށް 235 އުޅަނދު ޓޯ ކޮށްފި، އަންގާރަދުވަހު 60 އުޅަނދު
މުހައްމަދު އާދަމް އަހްމަދު
21 މާރޗް 2024 - 22:06:20
މަގުތަކުގައި ހިނގާ މީހުންނާއި ދުއްވަން އުނދަގޫވާ ގޮތަށް ޕާކުކޮށްފައި ހުރި އުޅަނދުތައް ނެގުމުގެ މަސައްކަތުގެ ތެރެއިން މިހާތަނަށް 235 އުޅަނދެއް ޓޯ ކޮށްފިއެވެ.
Advertisement
މަގުތަކުގައި ނުގަވައިދުން ހުރި އުޅަނދުތައް ފުލުހުން ޓަޯ ކުރަން ފެށީ މިމަހުގެ 13 ވަނަދުވަހުއެވެ. އިއްޔެގެ ނިޔަލަށް 235 އުޅަނދު ޓޯ ކޮށްފައިވާކަމަށް ދިވެހި ފުލުހުންގެ ހިދުމަތުން ބުނެއެވެ.
އުޅަނދުތައް ނަގަން ފެށިފަހުން މިހާތަނަށް އެއްދުވަހެއްގައި އެންމެ ގިނަ އަދަދަކަށް ޓޯ ކުރީ މިދިޔަ އަންގާރަދުވަހުއެވެ. އެދުވަހު ވަނީ 60 އުޅަނދު މަގުތަކުން ނަގާ ޓޯ ކޮށްފައެވެ. މި އުޅަނދުތައް ނަގާފައިވަނީ ތާޖުއްދީން ސްކޫލް ހިމެނޭ ސަރަހައްދުންނެވެ.
މާލެ އާއި ހުޅުމާލޭގެ މަގުތަކުގައި ބޭނުންނުކޮށް ގިނަ ދުވަސް ވަންދެން ހުރި 281 ވެހިކަލް ނައްތާލުން
މަގުތަކުގައި ޕާކުކޮށް ހަލާކުވެ ގިނަ ދުވަސްވެފައި ހުރި އުޅަނދުތައް ނެގުމުގެ މަސައްކަތްވެސް ސަރުކާރުގެ އިދާރާތައް ގުޅިގެން ދަނީ ކުރަމުންނެވެ. އެ މަސައްކަތުގެ ދަށުން 281 އުޅަނދެއް މާލެއާއި ހުޚުމާލެއިން ނަގާ ވަނީ ނައްތާލާފައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
