ads
ހޮޅޫ ބޯޓުގައި ރޯވުން: ފޮޓޯ އެމްއެންޑީއެފް
ބޯޓުގައި ރޯވެގެން ފިހުނު ދެ މީހުން އިތުރު ފަރުވާއަށް ކުޑަހުވަދޫ އަށް
ތ. އަތޮޅުގައި ދަތުރުކުރަމުންދިޔަ މުދާ އުފުލާ ބޯޓެއްގައި މިރޭ ރޯވި ހާދިސާއާ ގުޅިގެން ފިހުނު ދެ މީހުން އިތުރު ފަރުވާއަށް ދ. ކުޑަހުވަދޫއަށް ގެންދިއުމަށް ކަނޑޫދޫ ހެލްތު ސެންޓަރުން ނިންމައިފިއެވެ.
Advertisement

"ހޮޅުދޫ ބޯޓު" ކިޔާ މުދާ އުފުލާ ބޯޓުގައި ރޯވި ހާދިސާއާ ގުޅިގެން ދިވެއްސަކާއި ބިދޭސީއަކަށް އަންނަނީ ފަރުވާ ދެމުންނެވެ. އެ ދެ މީހުންނަށް ވެސް ބޭރުފުށުން އަނިޔާ ލިބިފައިނުވާ ކަމަށާއި، އެހެން ނަމަވެސް ހާދިސާގެ ސަބަބުން ވަރަށް ބޮޑު ޝޮކެއް ލިބިފައިވާ ކަމަށް ހެލްތު ސެންޓަރުން ބުނެއެވެ.

އެމްއެންޑީއެފުން މީޑިއާތަކާ ހިއްސާކުރި މައުލޫމާތުގައި ބުނެފައިވަނީ، އެ ބޯޓުން ދަތުރު ކުރަމުން ދިޔައީ ކެޕްޓަންއާއެކު 18 މީހުންކަމަށާއި 17 މީހުން ސަލާމަތްކޮށްފައިވާ ކަމަށެވެ. އެހެން ނަމަވެސް އެކަކުވަނީ ކަނޑަށް ގެއްލިފައެވެ. މިހާތަނަށް ނުފެންނަނީ ލ. މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކިޔާ މީހެއް ކަމަށް އެމްއެންޑީއެފުން ބުނެފައިވެއެވެ.

އެމްއެންޑީއެފުން އިތުރަށް ބުނެފައިވަނީ، ގެއްލިފައިވާ މީހާ ހޯދުމުގެ މަސައްކަތުގައި އެމްއެންޑީއެފް ސެންޓްރަލް އޭރިއާ ކޮމާންޑް ކޯސްޓްގާޑާއި އެ ސަރަހައްދުގެ ގިނަ އުޅަނދުތަކެއް ދަނީ ހަރަކާތްތެރިވަމުންނެވެ. 

މިއަދު ދަންވަރު 02:07 ހާއިރު ބޯޓު ވަނީ އަޑިއަށް ގޮސްފައެވެ. 

މި ހާދިސާގައި ބޯޓުގައި ދަތުރުކުރި 18 މީހުންގެ ތެރެއިން ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ޝަރީފް ގެއްލިފައިވާ ކަމަށް އެމްއެންޑީއެފްއިން މައުލޫމާތު ދެއެވެ. 

ބޯޓުގައި އަލިފާން ރޯވިކަމުގެ މައުލޫމާތު އެމްއެންޑީއެފް ސެންޓްރަލް އޭރިއާ ކޮމާންޑަށް ލިބިފައިވަނީ މިރޭ 21:07 ހާއިރުއެވެ. މި މަޢުލޫމާތު ލިބުމާއެކު ކޯސްޓްގާޑުން ވަނީ ބޯޓު އޮތް ސަރަހައްދަށް ގޮސް މީހުން ސަލާމަތްކުރުމުގެ މަސައްކަތް ފަށާފައެވެ. ބޯޓުގައި ތިބި 18 މީހުންގެ ތެރެއިން 17 މީހުން ވަނީ ސަލާމަތްކުރެވިފައެވެ. ނަމަވެސް އަލީ މުޝްފިގް ހޯދުމުގެ މަސައްކަތް އެމްއެންޑީއެފް ސެންޓްރަލް އޭރިއާ ކޮމާންޑް ކޯސްޓްގާޑުން މިވަގުތު ވެސް ދަނީ ކުރަމުންނެވެ.

0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް