އިންތިހާބުގައި ވޯޓްލެވޭ މީހުންގެ ފައިނަލް ލިސްޓް އާންމުކޮށް އީސީން ވަނީ ޝަކުވާ އަށް ހުޅުވާލާފައެވެ. މި މަހުގެ 17 ގައި ބާއްވަން ނިންމި އިންތިހާބު އަންނަ މަހުގެ 21 އަށް ފަސްކުރުމުން ވޯޓާސް ލިސްޓަށް 336 މީހަކު މިވަނީ އިތުރުވެފައެވެ.
ވޯޓާސް ދެ ޖިންސަށް ބެހޭ ގޮތް
- އަންހެން 139،361
- ފިރިހެން 145،302
މަޖިލިސް އިންތިހާބުގައި ޖުމްލަ 608 ވޯޓް ފޮށި ބެހެއްޓުމަށް އީސީން ވަނީ ނިންމާފައެވެ. އޭގެތެރެއިން 3 ފޮއްޓަކީ ރާއްޖެއިން ބޭރުގައި ބަހައްޓާ ފޮއްޓެވެ.
ބޭރުގައި ވޯޓު ފޮށި ބަހައްޓާނީ، އިންޑިއާގެ ޓްރިވެންޑްރަމް އާއި ސްރީލަންކާގެ ކޮލަމްބޯގެ އިތުރުން މެލޭޝިޔާގެ ކުއަލަލަމްޕޫރުގައި އެވެ.
ވޯޓް ފޮށި ބަހައްޓާނެ ތަންތަން
- މާލޭ 181 ފޮށީ
- ހުޅުމާލެ 51 ފޮށި
- އަތޮޅުތެރެ 325
- ވިލިމާލެ 9
- ރިސޯޓް 34
- ރާއްޖެއިން ބޭރުގައި 3
- ޖަލުތައް 5
20 ވަނަ މަޖިލިސް އިންތިހާބުގައި 93 ދާއިރާ އަށް 369 ކެންޑިޑޭޓުން ވާދަކުރެ އެވެ. އެއީ 43 އަންހެންނާއި 326 ފިރިހެންނެވެ. އިންސައްތައިން ނަމަ އެއީ11.41 އިންސައްތަ އަންހެނުންނާއި 88.58 އިންސައްތަ ފިރިހެނުންނެެވެ.
