އާއްމު ގޭބިސީތަކުން ކަރަންޓު ބިލާއި ފެން ބިލުތައް ނުދެއްކި ގިނަ ދުވަސް ވެގެން އަރާފައިވާ ޖޫރިމަނާ އެއްކޮށް މައާފްކޮށްދެއްވަން ނިންމާ އެކަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއުލާންކުރެއްވީ މިދިޔަ ހޮނިހިރުދުވަހުއެވެ. ރައީސް ވިދާޅުވީ އެގޮތަށް ނިންމެވީ އާއްމު ރައްޔިތުންގެ މާލީ ހާލަތު ރަނގަޅު ކުރުމަށްޓަކައި ސަރުކާރުން އަޅަމުންދާ ފިޔަވަޅުތަކުގެ ތެރެއިން، އިތުރު ލުޔެއް ދިނުމުގެ ގޮތުންކަމަށެވެ.
ފެނާއި ކަރަންޓްހެ ހިދުމަތް ދޭ ސްޓެލްކޯ، އެމްޑަބްލިއުއެސްސީގެ އިތުރުން ފެނަކައިން ބުނީ ޖޫރިމަނާ މައާފުކުރުމުގެ ނިންމުމަށް އަންނަމަހު 1 ވަނަދުވަހުން ފެށިގެން އަމަލުކުރާނެކަމަށެވެ.
ޔުޓީލިޓީޒް ކުންފުނިތައް ގުޅިގެން ދިން މެސެޖެެއްގައި އެމްޑަބްލިއުއެސްސީގެ މެނޭޖިންގް ޑިރެކްޓަރ އަބްދުލްމަތީން ވިދާޅުވީ އެކުންފުނިން މާއާފުކުރާނީ މިދިޔަ އެއްއަހަރުގެ ބިލްތައްކަމަށެވެ. އަދި ހިދުމަތުގެ އަގު ދެއްކުމަށް އެއްބަސްވުމެއް ހަދާ އެ ފައިސާ ބަހަލައިގެން ދެއްކޭނެކަމަށްވެސް މަތީން ވިދާޅުވިއެވެ.
މަތީން ވިދާޅުވީ ފެން ބިލު ނުދައްކާ 3000 ކަސްޓަމަރުން ތިބިއިރު ޖޫރިމަނާގެ ގޮތުގައި ކުންފުންޏަށް 17 މިލިއަން ލިބެންޖެހޭކަމަށެވެ.
ފެނަކަ ކޯޕަރޭޝަންގެ އެމްޑީ މުއާޒް މުހައްމަދު ރަޝީދު ވިދާޅުވީ، ރައީސްގެ ނިންމެވުމުން ތަންފީޒުކުރުމަށް ކުރަންޖެހޭ އިދާރީ މަސައްކަތްތައް ކުރަމުން އަންނަކަމަށެވެ. އަދި ޖޫރިމަނާ މައާފުވުމުން ކުންފުންޏަށް ލިބެންޖެހޭ ފައިސާ ކުންފުނިން ދޭ ހިދުމަތްތަކުން އާއްމުންނަށް ފަސޭހަވަގެންދާނެކަމަށެވެ.
ސެޓެލްކޯގެ އެމްޑީ ހުސެއިން ފަހުމީ ވިދާޅުވީ އެ ކުންފުނިން ބިލްތަކަށް އަރާފައިވާ ޖޫރިމަނާ މައާފުކޮށްދޭނީ ޑޮމެސްޓިކް ކަސްޓަމަރުންގެ ކަމަށެވެ. އަދި ބައެއް ފަރާތަކުން ބިލަށް ދައްކަންޖެހޭ އަދަދަށްވުރެ ޖޫރިމަނާ ބޮޑުވެފައިވާކަން ފަހުމީ ފާހަގަކުރެއްވިއެވެ.
ހުމަތަތްތަކުގެ ބިލަތަކަށް އަރާފައިވާ ޖޫރިމަނާ މައާފުކުރަން ރައީސް ނިންމެވިއިރު ރޯދަ މަހު ކަރަންޓާއި ފެނުގެ ބިލް ބޮޑު ނުވާނެ ގޮތަށް ކެޕް ކުރައްވާނެކަމަށްވެސް އެމަނިކުފާނު ވަނީ ވިދާޅުވެފައެވެ.
