ކޮންމެ އަހަރެއްގައި އީދު ނަމާދު ބޮޑު ޖަމާއަތުގައި މިސްކިތުގެ އިތުރުން ހުސް މައިދާންތަކުގައި އަންނަނީ ކުރަމުންނެވެ. އެގޮތުން މި އަހަރުވެސް މިސްކިތްތަކުގެ އިތުރުން 4 ސަރަހައްދެއްގައި ބޮޑު ޖަމާއަތުގައި އީދު ނަމާދުކުރާނެއެވެ.
ބޮޑު ޖަމާއަތުގައި ނަމާދުކުރާ ތަންތަން
- މާފަންނު ސްޓޭޑިއަމް
- ވިލިމާލެ ފުޓްބޯޅަ ދަނޑު
- ހުޅުމާލެ ސިންތެޓިކް ޓްރެކް ދަނޑު
- ހުޅުމާލެ ފޭސް 2 ކްރިކެޓް ދަނޑު
އިސްލާމީ ކަންތައްތަކާއި ބެހޭ ވުޒާރާއިން ބުނީ މޫސުން ގޯސްވެ ބޮޑު ޖަމާއަތް ކެންސަލް ކުރަން ޖެހިއްޖެނަމަ މާލޭގެ ހުކުރު ކުރާ ހުރިހާ މިސްކިތެއްގައި އީދު ނަމާދު ކުރާނެކަމަށެވެ.
ރާއްޖޭގައި އާއްމުކޮށް ދެ އީދު ނަމާދުކުރަމުން އަންނަނީ ހެނދުނު 07:30 ގައެވެ. ސަރުކާރުން ވަނީ މި ގަޑިއަށް ބަދަލު ގެންނަވާފައެވެ. އަލަށް ގެނައި ބަދަލާއި އެކު މިއަހަރުގެ ފިތުރު އީދު ނަމާދު ފަށާނީ 07:00 ގައިކަމަށް އިސްލާމީ ކަންތައްތަކާއި ބެހޭ ވުޒާރާއިން ބުނެއެވެ.
ކަލަންޑަރުގައިވާ ގޮތުން މިއަހަރުގެ ފިތުރު އީދު ދުވަހަކީ އަންނަ ބުދަ ދުވަހެވެ.
