ރައީސްހެ ހާއްސަ އެޑްވައިޒަރު އަބްދުއްރަހީމް ރޭ އޮތް އޭނާގެ ކެމްޕެއިން ޖަލްސާގައި ވާހަކަ ދައްކަމުން ވިދާޅުވީ އޭރުގެ ސަރުކާރުން ގޮތް ނެނގޭ އެގްރިމެންޓްތައް ހަދާ ގައުމުގެ މާލިއްޔަތު ހުސްކޮށްލުމުގެ ކަންބޮޑުވުންތަކުގެ ވާހަކަ އިދިކޮޅުގައި އޮވެ ޕީޕީއެން ޕީއެންސީން ދެއްކިކަމަށެވެ.
އަދި އެކަންކަމާއި ދެކޮޅަށް ބަހެއް ބުނަން ނުކުރުނު މީހުން މަޖިލީހަށް ހޮވުނީމާ ވާނެގޮތް ވިސސްނަން ޖެހޭކަމަށް ވިދާޅުވެ އަބްދުއްރަހީމް ވިދާޅުވީ އެއްގޮތަށްކަށްވެސް މަޖިލީހަށް ހިވަން ހެޔޮނުވާވަރުގެ ވިއްސަކަަށް މެމްބަރުން މި އިންތިހާބުގައި ވާދަކުރާކަމަށެވެ.
އަބްދުއްރަހީމް ވިދާޅުވީ އެ މެމްބަރުންގެ ތެދުވެރިކަމާއި އިހްލާސްތެރިކަން ހުރި ނަމަ ގައުމު މިހާރު މިއޮތް ހާލަތަށް ނުދިޔައީސް ކަމަށެވެ. އެހެންކަމުން ސަރުކާރަށް އެއްބާރުލުން ލިބޭ މެމްބަރުން ހޮވައިގެން ނޫނީ އުފާވެރި މުސްތަގުބަލެއް ނުހޯދޭނެކަމަށް އަބްދުއްރަހީމް ވިދާޅުވި އެވެ.
އަބްދުއްރަހީމް ރޭވެސް ވަނީ ސިޔާސީ އިސްލީޑަރުންނަށް ނުސީދާކޮޑސް ފާޑު ވިދާޅުވެފަ އެވެ. އޭނާ ވިދާޅުވީ ސަރުކާރަށް ކިތަންމެ ފާޑެއް ކިޔަސް ޖެހިލުމެއް ނެތްކަމަށް ވިދާޅުވެފައެވެ. އަދި ސިޔާސީ މީހުން އައިސް އަބަދު އެއްބަޔަކު ނުތިބޭނެ =ކަން ގަބޫލުކުރަންޖެހޭކަމަށާއި ތިމާމެން ނޫން އެހެން މީހަކަށް ކަންކަން ނޭގޭނެކަމަށް ދެކުމަކީ އެއީ އެބައެއްގެ ޖާހިލުކަންކަމަށްވެސް އަބްދުއްރަހީމް ވިދާޅުވި އެވެ.
އަބްދުއްރަހީމްހެ ޖަލްސާގައި ބައިވެރިވަޑައިގެން ރައީސް މުއިއްޒު ވަނީ އަބްދުއްރަހީމަށް ވަރަށް ތައުރީފުކުރައްވާ ވާހަކަ ދައްކަވާފައެވެ. އެގޮތުން ސިޔާސި ސިޔާސީ ގޮތުން އެމަނިކުފާނު އެންމެ ފަހުވެރިވާ ބޭފުޅަކީ އިސް ވަޒީރު އަބްދުއްރަހީމް އަބްދުﷲ ކަމަށް ވިދާޅުވި އެވެ. މަޖިލިސް މެންބަރެއްގެ ގައިގައި ހުންނަން ޖެހޭ ހުރިހާ ސިފައެއްގެ އިތުރުން ރައްޔިތުންނަށް އޯގާތެރިކަމާއެކީގައި ހިދުމަތް ކުރުމާއި އިހްލާސްތެރިކަން ހުރި ހަމައެކަނި މެމްބަރަކީ އަބްދުއްރަހީމްކަން ރައީސް މުއިއްޒު ވަނީ ސިފަކުރައްވާފަ އެވެ.
