ފުލުހުން ބުނީ މި ޕްރޮގްރާމްގައި އެއްގަމު ދަތުރުފަތުރުގެ ގާނޫނާއި ގަވައިދުތަކާ ގުޅޭގޮތުން މައުލޫމާތުދޭނެކަމަށެވެ. އަދި އެކްސިޑެންޓްތަކާއި މަގުމަތީގައި ދިމާވާ އެކި މައްސަލަތަށް ހައްލުކުރުމުގައި ޓެކްސީ ޑްރައިވަރުންގެ ދައުރާ ގުޅޭގޮތުންނާއި އެފަދަ ހާލަތުގައި ޑްރައިވަރުންގެ އަމަލުތައް ބަހައްޓަންވީގޮތާ ގުޅޭގޮތުންވެސް މައުލޫމާތު ދޭނެކަމަށް ފުލުހުން ބުނެއެވެ.
ޕްރޮގްރާމް ކުރިއަށް ގެންދަން ރޭވިފައިވަނީ މިމަހުގެ 24 އިން މަސް ނިމެންދެންކަމަށް ފުލުހުން ބުނެއެވެ. އަދި މއީ ރޯޑް ސޭފްޓީ އެވެއާނަސް އެންޑް ޕްރިވެންޝަނުން ކުރިއަށްގެންދާ ޕްރޮގްރާމެއް ކަަމަށްވެސް ފުލުހުން ބުނެއެވެ.
މި ތަމްރީން ޕްރޮގްރާމްއަކީ ޓެކްސީ ހިދުމަތަށް އަލަށް ނުކުންނަ މީހުންނާއި ޓެކްސީ ޑްރައިވަރުންގެ ގޮތުގައި މިހާރުވެސް ހަރަކާތްތެރިވާ މީހުން އެއްގަމު ދަތުރުފަތުރުގެ ގާނޫނާއި ގަވައިދުތަކަށް އިތުރަށް އަހުލުވެރިކުރުމަށް ކުރިއަށް ގެންދާ ޕްރޮގްރާމެއް ކަަމަށް ފުލުހުން ބުނެއެވެ.
