އެޗްޑީސީން ބުނީ އީދު ފާހަގަކުރަން ހިންގާ ހަރަކާއްތައް ހުޅުމާލޭގައިވެސް ފެށޭނީ އީދު ނަމާދާއެކު ކަމަށެވެ. ހުޅޫމާލެ އީދު ފޯރީގެ ނަމުގައި ކުރޔަށް ގެންދާ ހަރަކާތުގައި ފެން ކުޅި މުބާރާތްތަކާއި ވާދެމުމުގެ މުބާރާތެއްވެސް ވަނީ ހިމަނާފައެވެ. 

ހުޅުމާލޭގައި އީދަށް ރޭވިފައިވާ ހަރަކާތްތައް 

• ދިރާގު އީދު ބޯކިބާ / 07:30 ގައި ( ސިންތެޓިކް ޓްރެކް ދަނޑުގައި) 
• ފެންކުޅި މުބާރާތް / 09:00 ފެށިގެން ( ފޭސް 2 ބީޗް ސަރަހައްދުގައި )
• ވާދެމުމުގެ މުބާރާތް / 09:00 ފެށިގެން ( ފޭސް 2 ބީޗް ސަރަހައްދުގައި )
• ކުޑަކުދިންގެ ކުޅިވަރު މުބާރާތް / 09:00 ފެށިގެން ( ފޭސް 2 ބީޗް ސަރަހައްދުގައި )
• ކުޑަކުދިންގެ ހަވީރު / 04:00 ގައި( ސެންޓަރަލް ޕާކުގައި / ރޭސްކާރުތައް ދައްކާލުމާއި އެކު)

ކުޑަ އީދު މާލޭގައިވެސް ކުލަގަދަކޮށް ފާހަގަކުރަން ގިނަ ހަރަކާތްތަކެއް ހިންގަން މާލޭ ސިޓީ ކައުންސިލުން ވަނީ ނިންމާފައެވެ. މާލޭގައިވެސް ފެންކުޅިއާ ސްޓޭޖް ޝޯގެ އިތުރު ހަވާއެރުވުންވެސް އޮންނާނެއެވެ. މީގެއިތުރުން އީދުގެ ހަރާކާތްތައް ފާހަގަކުރަން މާލޭގައި ހަވީރު 04:00 އިން 06:00 އަށް ވަނީ ހިނގާފައި އުޅޭ ވަގުުތެއްގެ ގޮތުގައި ހަމަޖައްސާފައެވެ.

މާލޭގައި އީދަށް ރޭވިފައިވާ ހަރަކާތްތައް 

• ފެންކުޅި / 09:30 ގައި ( ރަސްފަންނު ސަރަހައްދުގައި )
• ބޮޑުމަހާއި މާލި ޕެރޭޑް / 04:00 (އޮލިމްޕަސް ކުރިމަތިން ފަށާ ޕެރޭޑް ނިންމާނީ އާޓިފިޝަލް ބީޗަށް)
• ހާއްސަ ސްޓޭޖް ޝޯ / 20:30 ގައި (އާޓިފިޝަލް ބީޗްގައި )
• ހަވާއެރުވުން /  10:00ގައި ( އާޓިފިޝަލް ބީޗްގައި ) 

އީދުގެ ހަރާކާތްތައް ފެށުމުގެ ގޮތުން މުޅި ރާއްޖެ ރޭވަނީ އީދުގެ މެސެޖްތަކުންނާއި ކުލަތަކުން ދިއްލާލާފައެވެ.