އެމަނިކުފާނު މިހެން ވިދާޅުވީ މަޖިލިސް ކެމްޕެއިންނަށް މިހާރު އައްޑޫ ސިޓީއަށް ކުރައްވާ ދަތުރުފުުޅުގެ ތެރެއިން ރޭ ބޭއްވި ޖަލްސާއެއްގައި ވާހަކަ ދައްކަވަމުންނެވެ.
ރައީސް ސާލިހް ވިދާޅުވީ މި ސަރުކާރު ވެރިކަމަށް އައުމަށްފަހު މުޅިން ކިޔަމުން އަންނަނީ ފައިސާނެތި ބަންގުރޫޓްވެފައިވާ ވާހަކައާއި ކުންފުނިތައްވެސް ދަރާފައިވާ ވާހަކަކަމަށެވެ. އެހެންނަމަވެސް ހަގީގަތަކީ މި ސަރުކާރަށް ބަޖެޓް މެނޭގްކުރަން ނޭގުންކަމަށާއި އެކަން މިހާރު މިއޮތް ބަޖެޓް ތަންފީޒުކުރަމުންދާ ގޮތުން ފާހަގަވާކަމަށްވެސް އެމަނިކުފާނު ވިދާޅުވި އެވެ.
ތަރައްޤީގެ މަޝްރޫއުތައް ހުއްޓާލާ ކެމްޕެއިންނަށް 100 މިލިއަނަށް ވުރެ ގިނަ ރުފިޔާ ހަރަދުކޮށްފައިވާކަމަށް ވާހަކަދެކެވޭއިރު އެއީ ތެދެއްކަމަށްވާނަމަ އެކަން ބަލަންޖެހޭނެކަމަށް ރައީސް ސާލިހް ވިދާޅުވި އެވެ.
ވެރިކަމުގައި މިިދިޔަ ފަސްއަހަރު ދުވަހުގެ ތެރޭގައި ރާއްޖޭގެ ތަރައްޤީއަށް ގާތްގަޑަކަށް 36 ބިލިއަން ރުފިޔާ ހޭދަކޮށްފައިވާނެކަމަށް ރައީސް ސާލިހް ވިދާޅުވިއެވެ. އަދި އެއީ މިހާތަނަށް އެއްވެސް ސަރުކާރަކުން ރާއްޖޭގެ ތަރައްޤީއަށް ނުކުރާވަރުގެ ބޮޑު ހޭދައެއްކަންވެސް އެމަނިކުފާނު ފާހަގަކުރެއްވި އެވެ.
