ފެރީ އާއި ބަހުގެ ހިދުމަތް ދޭ އެމްޓީސީސީ އާއި އެމްޕީއެލުން ބުނިގޮތުގައި ހުޅުމާލެއަށް ކުރާ ފެރީ އަދި ބަހުގެ އެންމެ ފަހު ދަތުރު ކުރާނީ 16:00 ގައެވެ. ބަހުގެ ހިދުމަތް ރޭގަނޑު 20:00 ގައި ފަށާއިރު ފެރީގެ ހިދުމަތް ފަށާނީ 20:30 ގައި ކަމަށް އެމްޓީސީސީން ބުނެ އެވެ.

ވިލިނގިލި އަދި މާލެ ފެރީގެ އެންމެ ފަހު ދަތުރު ކުރާނީ 16:30 ގައި ކަމަށާއި ރޭގަނޑު އަލުން ފަށާނީ 20:15 ގައިކަމުގައި އެމްޓީސީސީން ބުނެ އެވެ.

ބަހުގެ ދަތުރުތައް ހިންގާ އެމްޕީއެލުން ރޭ ކުރި ޓްވީޓެއްގައި ބުނެފައިވަނީ މީގެފަހުން ހުޅުލެއަށް ކުރާ އެންމެ ފަހު ދަތުރު ކުރާނީ 16:00 ޖަހާއިރުކަމަށާއި އަދި ރޭގަނޑު ދަތުރުތައް ނުކުރާނެކަމަށެވެ.

އެމްޓީސީސީން ހުޅުމާލެ އާއި ހުޅުލެ އާ ދޭތެރޭ ހިންގާ ބަސް ޝަޓްލްވެސް 16:00 ގައި ދަތުރު ކުރުމަށް ފަހު ދެން ކުރަނީ 20:30 ގައި ކަމަށާއި ހުޅުމާލެ ތެރޭ ހިންގާ ނެއިބަހުޑް ބަސް ދަތުރުތައް ހަވީރު 16:35 ގައި އޮތުމަށް ފަހު ދެން އޮންނާނީ ރޭ 20:00 ގައެވެ. 

 ހުކުރު ދުވަހު ހުޅުމާލޭގެ އެތެރޭގެ ދަތުރުތައް ހަވީރު 16:25 ގައި މެދު ކަނޑާލުމަށް ފަހު ފަށާނީ 20:00 ގައި ކަމަށް އެމްޓީސީސީން ބުނެ އެވެ.

މާލެ އަދި ވިލިނިލީގެ އިތުރުން މާލެ ސަރަހައްދުގެ އެހެން ރަށްރަށާއި ދޭތެރޭކުރާ ދަތުރުތަކަށްވެސް ކާފިޔުއާއި ގުޅިގެންވަނީ ބަދަލުގެނެސްފައިވެ އެވެ. މިގޮތުން ތިލަފުށިން މާލެ އަށް ހަވީރު 16:15 ފުރާ ފެރީއަށް ފަހު ދެން ފެރީ އޮންނަނީ ރޭގަނޑު 20:00 ގައެވެ. މާލޭން ތިލަފުށްޓަށް 15:45 ގައި ފެރީއަށް ފަހު ފެރީ އޮންނަނީ 20:30 ގައެވެ.

ގުޅިފަޅުން މާލެ އަންނަ ފެރީ 16:15 އަށް ފަހު ދެން އޮންނާނީ ރޭގަނޑު 23:45 ގައެވެ. މާލޭން ގުޅިފަޅަށް ދާ ފެރީ ހަވީރު 15:45 ގައި އޮތުމަށްފަހު ދެން އޮންނާނީ 23:15 ގައެވެ.