އެމްއެމްޕީއާރުސީގެ ބޮޑު ހިޔާނާތުގެ މައްސަލާގައި ރިޝްވަތާއި މަނީ ލޯންޑަރިން ކުށް ސާބިތުވެ 11 އަހަރަށް ޖަލަށް ލުމަށް ދަށު ކޯޓުން ކުރި ހުކުމްގެ އިސްތިއުނާފު އަޑުއެހުންތައް ހައިކޯޓްގައި ނިންމާލީ މިދިޔަ އަހަރުގެ ނޮވެމްބަރު 21ގައެވެ. އެ އަޑުއެހުން ނިންމާލަމުން ދެން އޮންނާނީ ހުކުމްކަމަށް ފަނޑިޔާރުންގެ ބެންޗުން އިއުލާންކުރެއްވި ނަމަވެސް އޭގެފަހުން މިހާތަނަށް އެ ޝަރީއަތް ބާއްވާފައެއް ނުވެއެެވެ. 

ރައިސް ޔާމީންގެ މައްސަލަ ލަސްވާ ސަބަބު ޖޭއެސްސީން ބަލަން މިއަދު ހުށައަޅުއްވާކަމަށް ރައްޔިތުން މަޖިލީހުގެ ރައީސް މުހައްމަދު އަސްލަމް ރޭ ވަނީ ވިދާޅުވެފަ އެވެ. 

މި ވާހަކަތަކާއި ގުޅުވާ ރައީސް ޔާމީންގެ އިސްވަކީލެެއްގެ ގޮތުގައި މަސައްކަތް ކުރައްވާ މުހައްމަދު ޖަލީލް ވިދާޅުވީ ރައީސް ޔާމީން މިނިވަންކުރަން، ރައީސް ޑރ. މުއިއްޒު އެންމެ ފުރަތަމަ ދުވަހުން ފެށިގެންވެސް ހުރަސް އަޅުއްވަމުން ގެންދަވާކަމަށެވެ. އަދި މިވާހަކަތަކީ ޔޯލަ ވާހަތަކެއް ނޫންކަމަށްވެސް ޖަމީލް ވިދާޅުވި އެވެ. 

ޕީއެންއެފް އުފައްދަން ބޭއްވި ޖަލްސާއަށް ހުރަސްއެޅުމަށް އެސްއޯ ފުލުހުން ފޮނުވީވެސް ސީދާ ރައީސް ޑރ މުހައްމަދު މުއިއްޒުކަމަށްވެސް ޖަމީލް ވަނީ ތުހުމުުތުކުރައްވާފަ އެވެ. 

ރައީސް ޔާމިން އިސްވެ ހުންނަވާ އުފެއްދި ޕީޕަލްސް ނޭޝަނަލް ޕްރަންޓް (ޕީއެންއެފް) އުފައްދުމަށް ބެއްވި ޖަލްސާއަށް ދިޔަ ބައިވެރިން ގިޔާސުއްދީންނަށް ވަނުމަށް ފުލުހުންވަނީ ހުރަސްއަޅާފަ އެވެ. އެކަމާއި ގުޅިގެން ހަމަނުޖެހުން ހިންގާ ފުލުހުންވަނީ ޕެޕާ ސްޕްރޭވެސް ބޭނުންކޮށްފަ އެވެ. 

މިކަމާއި ގުޅިގެން ރައީސް މުއިއްޒު ވިދާޅުވީ ފުލުހުން އެކަން ކޮށްފައި ވަނީ އެމަނިކުފާނަށް އެނގިވަޑައިނުގެންކަމަށެވެ. އަދި އެކަން ކުރި ބަޔަކު ބަލާ ފިޔަވަޅު އަޅާފައި ނޫނީ ނިދި ނުކުރެއްވޭނެކަމަށްވެސް ވިދާޅުވި އެވެ. އެހެންނަމަވެސް މިކަމުގައި މިހާތަނަށްވެސް އެއްވެސް ފިޔަވަޅެއް އެޅިކަމެއް އަދި ސަރުކާރުގެ އެއްވެސް އިދާރާއަކުން ހާމައެއް ނުކުރެއެވެ.