މި ބައްދަލުކުރެއްވުން އޮތީ ބިލެތްދޫ ފެނަކަ އޮފީހުގަ އެވެ.
މިބައްދަލުކުރެއްވުމުގައި ކައުންސިލުން ވަނީ އެރަށުގެ ތަރައްގީއަށް ފަށާފައިވާ މުހިންމު މަޝްރޫއުތައް އަވަހަށް ނިންމައިދެއްވުން އެދިފައެވެ. މި ބައްދަލުކުރެއްވުމުގައި އ.ތ.މ. ކޮމެޓީން ވަނީ ރަށުގެ އަންހެނުންނަށް ހާއްސަކޮށް އިންޑޯޖިމެއް އަދި ވޮލީކޯޓެއްގެ މުހިންމުކަން ފާހަގަކުރައްވާފަ އެވެ.
މި ބައްދަލުކުރެއްވުމުގައި ރައީސް ދެއްކެވި ވާހަކަފުޅުގައި އިންޑޯޖިމް، ޔޫތު ސެންޓަރ އަދި ވޮލީކޯޓަކީ އެމަނިކުފާނު ވަޢުދުވެވަޑައިގެންފައިވާ ކަންތައްތައްކަން ފާހަގަކުރައްވައި ބިލެތްދޫގެ ތަރައްޤީއަށް ކުރަންހުރި ކަންކަން ބާރަށް ކުރިޔަށްގެންދަވާނެކަމުގައި ވިދާޅުވި އެވެ.
އަދި ރައީސް ވަނީ މި ބައްދަލުކުރެއްވުމުގައި ބައިވެރިވެވަޑައިގެންނެވި ވަޒީރުން މެދުވެރިކުރައްވައި އެރަށުގެ ތަރައްގީގެ މަޝްރޫއުތަކުގެ އެންމެ ފަހުގެ މަޢޫލޫމާތުތައް ހިއްސާކުރައްވާފަ އެވެ.
