ކުޅުދުއްފުށި ސިޓީއަށް ފޮނުވި ސްޓެލްކޯގެ ޓީމާއި އެ ސިޓީއަށް ކަރަންޓުގެ ހިދުމަތް ފޯރުކޮށްދޭ ފެނަކަ ކުންފުނީގެ މުވައްޒަފުން ގުޅިގެން ކުރި މަސައްކަތުން މައްސަލަ ހައްލުކޮށް މުޅި ސިޓީއަށް ކަރަންޓު ދެވިފައިވާ ކަން، ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ފޭސްބުކް ޕޯސްޓަކުން ހާމަކޮށްދެއްވި އެވެ.
ކުޅުދުއްފުށްޓަށް ދިމާވި ކަރަންޓު މައްސަލަ ހައްލުކޮށްފައި މިވަނީ ގިނަ ދުވަސްތަކެއް ވަންދެން އެ ސިޓީގެ ކަރަންޓު މައްސަލަ ހައްލު ނުވެ އޮތުމައްފަހުއެވެ. އެގޮތުން ޑިމާންޑާއި އެއްވަރަށް ކަރަންޓު ފޯރުކޮށް ނުދެވި ބައެއް ގަޑިތަކުގައި ކަރަންޓު ކަނޑަން ވަނީ ޖެހިފަ އެވެ.
އެ މައްސަލަ ހައްލު ކުރުމަށް ކުޅުދުއްފުށި ސިޓީއަށް 800 ކިލޯ ވޯޓުގެ ޖެނެރޭޓަރެއް ގެނެސް ވަނީ އިންސްޓޯލްކޮށްފަ އެވެ. މިއާއެކު ޑިމާންޑާއި އެއްވަރަށް ކަރަންޓު ފޯރުކޮށް ދިނުމުގައި ދިމާވި ދަތިތައްވެސް ހައްލުވީކަމަށް ފެނަކަ ކޯޕެރޭޝަނުން މައުލޫމާތުދެއްވި އެވެ
