ރައީސް ޔާމީންގެ މައްޗަށް އިއްވި ޖަލު ހުކުމުގެ އިސްތިއުނާފުގެ އަޑުއެހުމުގެ ހުކުމް އިއްވުން ތާވަލުކޮށްފައި އޮތީ މިއަދު 1 ޖަހާއިރަށެވެ. 

މައްސަލައިގެ އަޑުއެހުމަށް ގެއިން ނުކުންނަވާ އެތަނުގައި ތިއްބެވި އެމަނިކުފާނުގެ ސަޕޯޓަރުންނަށް ހަނާ އަޅާލެއްވުމަސްފަހު ވަނީ މަޖާ ރާގެއްގައި ސުވާލެއް ކުރައްވާފައެވެ. 

މި ސަރުކާރުގެ އިސް މަގާމުތަކުގައި ތިއްބެވި ޕީޕީއެމް ޕީއޭންސީގެ ލީޑަރުން ޕެނަލް ޑިސްކަޝަނެއް ބައްވާ ރައީސް ޔާމީނާއި އެމަނިކުފާނު އަރިހުގައި މިހާރު މަސައްކަތް ކުރައްވަމުން އަންނަ ޑރ ޖަމީލާއި މަލީހަށް ވަނީ ވަރަށް ބޮޑަށް ފާޑު ވިދާޅުވެފައެވެ. 

އެގޮތުން ރައީސް އަބްދުﷲ ޔާމީން ޖަލުގައި ހުންނެވިއިރު އެމަނިކުފާނު މިނިވަން ކުރުމަށް އަނބިކަނބަލުންނާއި ދަރިކަލުން މުޒާހަރާއަށް ނުނިކުންނެވީ ކީއްވެގެންތޯ ރައީސް މުއިއްޒުގެ އެޑްވައިޒަރު އަބްދުއްރަހީމް ވަނީ ސުވާލުކުރައްވާފައެވެ. 

މި ވާހަކަތަކަށް ރައީސް ޔާމީން ވަނީ ވަރުގަދަ ރައްދެއް ދެއްވާފައެވެ. ރައީސް ޔާމީން ވަނީ އަބްދުއްރަހީމަށް ސިޔާސީ މަގާމުތައް ލިބުނު ގޮތާއި މެދުވެސް ސުވާލު ކުރައްވާފައެވެ.