ފޮޓޯ: ރައްޔިތުންގެ މަޖިލިސް
ކޮވިޑް19 އާއި ގުޅިގެން އެމްޑިޕީގެ ވައުދުތައް އަލުން ރިވައިޒް ކުރަންޖެހޭ: ރައީސް ނަޝީދު
އަބްދުﷲ ޔާމިން
02 އޭޕްރީލް 2020 - 13:44:21
ކޮވިޑް19 އާއި ގުޅިގެން މޯލްޑިވިއަން ޑިމޮކްރަޓިކް ޕާޓީ (އެމްޑިޕީ)ގެ ވައުދުތައް ރިވައިޒް ކުރަންޖެހޭ ކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
Advertisement
ވަޒީފާ ނެތް ފަރާތްތަކަށް ދޭނެ އެލަވެސެއް ކަނޑައެޅުމަކީ އެމްޑީޕީގެ ވައުދެއްކަން ފާހަގަކޮށް ކުރިމަތި ކުރުވި ސުވާލަށް ޖަވާބު ދެއްވަމުން ރައީސް ނަޝީދު ވިދާޅުވީ ވަޒީފާނެތް ފަރާތްތަކަށް އެހީއެއް ވުމަކީ މުހިންމު ކަމެއްކަމަށެވެވެ.
އެހެން ނަމަވެސް މިހާލަތުގައި އެމްޑީޕީގެ ވައުދުތަކާއި ސަރުކާރުގެ ވައުދުތައްވެސް އަލުން އަނބުރާ މުރާޖާކުރަންޖެހޭ ކަމަށް ރައީސް ނަޝީދު ވިދާޅުވި އެވެ.
"ކޮބައިތޯ ވަޒީފާނެތް ފަރާތްތަކަށް އަޅާލެވޭނެ ގޮތްތަކަކީ. މި ރައްޔިތުންގެ މަޖިލީހުގެ ކޮމިޓީން މި ހިންގާ މަސައްކަތުގެ ތެރޭގައި އެއަށް އަޅުގަނޑު މިދެކެނީ ކޮންމެވެސް މިންވަރެއްގެ ޖަވާބެއް ލިބިވަޑައިގަންނަވާނެ ކަމަށް."
މީގެ އިތުރުން ރައީސް ނަޝީދު ވިދާޅުވީ، އެތައް ބައިވަރު ފަރާތްތަކެއްގެ ވަޒީފާ ގެއްލިފައިވާކަމަށާއި، އެމީހުނަށް އުޅެވޭނެ ގޮތެއް ހޯދުމުގެ ބޭނުންތެރިކަން ވަރަށް ބޮޑުކަމަށެވެ.
އަދި މަޖިލީހުން ރައީސް އަށް އަރުވާ ލަފާގައި މިގޮތަށް ވަޒީފާ ގެއްލިފައިވާ ފަރާތްތަކާއި އާމްދަނީ ގެއްލިފައިވާ ފަރާތްތަކާއި މެދު އަމަލުކުރެވޭނޭ ގޮތެއް ރައީސްއަށް ދަންނަވާނެ ކަމަށް ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
