ރައީސް ޔާމީން މިކަން ހާމަކުރެއްވީ ޖަލު ހުކުމުން މިނިވަންވެޑައިގެން މަޖިލިސް އިންތިހާބަށް ކުރެއްވި ފުރަތަމަ ކެމްޕެއިން ދަތުރުފުޅުގައި ފުވައްމުލަކުގައި ހުންނަވާއެވެ.
އެމަނިކުފާނުގެ ސަޕޯޓަރުންނާއި ބައްދަލުކުރައްވާ ވާހަކަފުޅު ދައްކަވަމުން ރައީސް ޔާމީން ވިދާޅުވީ އެމަނިކުފާނަކީ ޒާތީ ތައްސަބަށް މަސައްކަތް ކުރައްވާ ބޭފުޅެއް ނޫންކަމަށާއި ގައުމީ ބޮޑެތި މަސްލަހަތު ހިމާޔަތްކޮށްދޭ މީހެއްކަމަށްވާނަމަ އެމީހަކަށް ތާއިދުކުރައްވާނެކަމަށެވެ. އަދި ގާލިބަކީ ޕީޕީއެމްގައި އިހްލާސްތެރި މަސައްކަތްތަކެއް ކޮށްދެއްވި ޒުވާނެއްކަން ރައީސް ޔާމީން ފާހަގަކުރެއްވިއެވެ.
ގާލިބަކީ ރައީސް ޑރ. މުހައްމަދު މުއިއްޒާއި އެމަނިކުފާނު ސަރުކާރުގެ މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް އަލީ އާރިފާއި މިނިސްޓަރ އެޓް ދަ ޕްރެޒިޑެންޝަލް ޕެލަސް އިޤްބާލް އާދަމްގެވެސް އާއިލީ ކުއްޖެކެވެ.
ޕީޕީއެމް ޕީއެންސީ ކޯލިޝަނުގެ ތެރޭގައި ރިޔާސީ ޓިކެޓާ މެދު ހިޔާލުތަފާތުވުން އުފެދި މަސްލަހަތު ގޯސްވެފައިވާ ކަމަށް އަޑުފެތުރިފައިވަނިކޮށް ޕާޓީއާ އެކު ކުރިޔަށް ދެވެން ނެތްކަން ހާމަކޮށް ގާލިބް ފީޕީއެމުން ވަކީ މިދިޔަ އަހަރުގެ ޖޫންމަހުގެ 10 ވަނަދުވަހުއެވެ. ގިނަ އަދަދެއްގެ ބަޔާއެކު ގާލިބް އެމްޑީޕީއާއި ގުޅުނީ އޭގެ 9 ދުވަސްފަހުން ޖޫން 19 ވަނަދުވަހުއެވެ.
