ނިލަންދޫ ދާއިރާގެ ކެންޑިޑޭޓް ފާތިމަތު ސައުދާ ރައީސް މުއިއްޒުއާއިއެކު
ރައީސްގެ ކޮއްކޯފުޅު ސައުދާ ބޮޑު ތަފާތަކުން މޮޅުވެއްޖެ
އަހުމަދު ހަސަން
21 އޭޕްރީލް 2024 - 19:28:10
ރައީސް ޑރ. މުހައްމަދު މުއިއްޒުގެ ކޮއްކޯފުޅު، ފާތިމަތު ސައުދާ ނިލަންދޫ ދާއިރާގެ އިންތިހާބު ބޮޑު ތަފާތަކުން ކާމިޔާބު ކުރައްވައިފި އެވެ.
ނިލަންދޫ ދާއިރާއަށް ޕީއެންސީގެ ޓިކެޓްގައި ސައުދާ ވާދަކުރެއްވިއިރު، ދެން އެ ދާއިރާއަށް ވާދަކުރެއްވީ އަމިއްލަ ގޮތުން ވާދަކުރެއްވި ކެންޑީޑޭޓެކެވެ.
މި ދާއިރާގެ ރަސްމީ ނަތީޖާ އަދި ލިބިފައި ނެތް ނަމަވެސް، މިހާތަނަށް ލިބިފައިވާ މައުލޫމާތުން ސައުދާ އުޅުއްވަނީ 500 ވޯޓު ކުރީގައެވެ. އެ ދާއިރާގައި ހިމެނެނީ ނިލަންދޫއާއި ދަރަނބޫދޫ އެވެ.
މިހާތަނަށް ލިބިފައިވާ ނަތީޖާތަކަށް ބަލާއިރު، ދާއިރާގެ މާލޭގައި ހުރި ފޮށްޓާއި ދަރަނބޫދޫގެ ފޮށިންވެސް ބޮޑު ތަފާތަކުން ސައުދާ އުޅުއްވަނީ ކުރީގައެވެ. އަދި ނިލަންދޫގައި ހުރި ދެ ފޮށިންވެސް ސައުދާވަނީ ބޮޑު ތަފާތަކުން، އިންތިހާބު ކާމިޔާބު ކުރައްވާފައެވެ.
ސައުދާ ވެގެންދާނީ ނިލަންދޫ ދާއިރާއަށް އިންތިހާބުވާ އެންމެ ފުރަތަމަ އަންހެން މެންބަރަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
