ތޯރިގް ދާއިރާގެ ގޮނޑި ދިފާއުކުރީ ކާށިދޫ ދާއިރާގެ މެންބަރު އަބްދުﷲ ޖާބިރުގެ ދަރިކަލުން، އަހްމަދު މުއާޒް އަބްދުﷲ ޖާބިރުގެ މައްޗަށް ކުރިހޯދައިގެންނެވެ. މަހިބަދޫ ދާއިރާއަށް ކުރިމަތިލައްވާފައިވަނީ ޓޮމް އާއި މުއާޒް އެކަންޏެވެ.
އިންތިހާބުގެ ވަގުތީ ނަތީޖާ ދައްކާ ގޮތުން ދާއިރާގެ ތިން ރަށް ކަމަށްވާ މަހިބަދޫ، ކުނބުރުދޫ އަދި ހަންޏާމީދޫގެ ހުރިހާ ވޯޓު ފޮށްޓަކުން ވެސް ކުރިހޯދާފައިވަނީ ޕީއެންސީގެ ކެންޑިޑޭޓް ޓޮމް އެވެ.
އެމްޑިޕީގެ ޓިކެޓުގައި ޓޮމްއާ ވާދަކޮށް މުއާޒަށް ނާކަމިޔާބީއާ ކުރިމަތިވިއިރު، ދާދިފަހުން އެ ޕާޓީން ވަކިކުރި ބައްޕާފުޅު އަބްދުﷲ ޖާބިރަށް ވެސް ވަނީ އިންތިހާބުގައި ނާކާމިޔާބުވެ، ކާށިދޫ ދާއިރާގެ ގޮނޑި ގެއްލިފަ އެވެ. މިފަހަރު އެ ދާއިރާގެ ގޮނޑި ކާމިޔާބުކުރީ ޕީއެންސީގެ ކެންޑިޑޭޓް މުންތަޒިމް އިބްރާހީމެވެ.
މިއަދު ބޭއްވުނު މަޖިލިސް އިންތިހާބުގެ ވޯޓުގެ ނަތީޖާ މިހާތަނަށް ދައްކާ ގޮތުން މަޖިލިހުގެ ވަރަށް ގިނަ ގޮނޑިތަކެއް އިދިކޮޅު އެމްޑީޕީއަށް ވަނީ ގެއްލިފަ އެވެ. އަދި ނަތީޖާތަކުން ފެންނަނީ ސަރުކާރު ބޮޑުތަނުން މޮޅުވެ ސުޕަ މެޖޯރިޓީ ހޯދާފައިވާ މަންޒަރެވެ.
