މި މަސައްކަތް ހަވާލުކޮށްފައިވަނީ ޗައިނާގެ ރޮޓައިމް އިންޖިނިއަރިންގް އެންޑް ޓެކްނޮލޮޖީ ކޯ ލިމިޓެޑާއިއެވެ.
މިކަމުގެ އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހިމް ފަޒުލް ރަޝީދުއެވެ. ރޮޓައިމް އިންޖިނިއަރިންގް އެންޑް ޓެކްނޮލޮޖީ ކޯ ލިމިޓެޑް ފަރާތުން ސޮއިކުރެއްވީ އެކުންފުނީ މެނޭޖިން ޑިރެކްޓަރު ޒޯ ވެއިޑޮންގްއެވެ.
މި ވެއާހައުސިންގ ކޮމްޕްލެކްސް އިމާރާތްކުރަނީ ޖުމްލަ 2 އިމާރާތަކަށެވެ. މިއިން ކޮންމެ އިމާރާތެއްގައި 4 ފަންގިފިލާ ހުންނާނެއެވެ. މި މަސައްކަތް ޙަވާލުކޮށްފައިވަނީ 38 މިލިއަން ޑޮލަރަށް 2 އަހަރު ދުވަހުން މަސައްކަތް ނިންމާގޮތަށްކަމަށް އެޗްދީސީން ބުނެއެވެ.
އެޗްޑީސީން ބުނީ ބުނީ ވެއާހައުސް ކޮމްޕްލެކްސް އިމާރާތް ކުރާނީ ޒަމާނީ ވަސީލަތްތަކާއެކު ކަމަށެވެ. އެގޮތުން ވެއާހައުސް އިމާރާތް ކުރާނީ "އޮޓަމޭޓެޑް ވެއާހައުސް މެނޭޖްމަންޓް ސިސްޓަމް" އަކާ އެކީ ކަމަށް އެޗްޑީސީން ބުންޏެވެ.
މީ ކުދި އަދި މެދުފަންތީގެ ވިޔަފާރިތަކަށް ދިމާވެފައިވާ ގުދަންކުރުމުގެ ދަތިތަކަށް ހައްލު ހޯދައިދިނުމަށް ގިނަ ވަސީލަތްތަކާއެކު ފަރުމާކޮށްފައިވާ ވެއާހައުސް ކޮމްޕްލެކްސް އިމާރާތް ކުރާނީ ކޯލްޑް ސްޓޯރޭޖް އާއި އިންޑަސްޓްރިއަލް ވެއާހައުސިން ޔުނިޓް އަދި ކާނާގެ ބާވަތްތަކާއި ކޮންޒިއުމަބްލް ރައްކާކުރެވޭ ގޮތަށެވެ. އަދި އޮފީސް ޖާގަ އާއި ޝޯރޫމް ހިމެނޭ އިމާރާތެއް ވެސް އެ ކޮމްޕްލެކެސްގައި ހަދާނެކަމަށް އެޗްޑީސީން ބުނެއެވެ.
ހުޅުމާލޭގައި އަޅާ ވެއާހައުސް ކޮމްޕްލެކްސްގެ އެއްބަސްވުމުގައި ސޮއިކުރަނީ
މި އެއްބަސްވުމުގައި ސޮއިކުރުމަށް ބެއްވި ރަސްމިއްޔާޔުގައި އެޗްޑިސީގެ މެނޭޖިން ޑިރެކްޓަރު ފަޒުލް ރަޝީދު ވިދާޅުވީ މި ވެއާހައުސް ކޮމްޕްލެކްސްގެ ސަބަބުން އިންގިލާބީ ބަދަލެއް އަންނާނެ ކަމަށެވެ.
މި ކޮމްޕްލެކްސްގައި ޕާކިން ފެސިލިޓީއެއްގެ އިތުރަށް ފުރާޅުގައި ސޯލާ ހަރުކޮށްފައި ހުންނާނެ ކަމަށް ފަޒުލް ވިދާޅުވިއެވެ.
