އެމްއެންޔޫގެ މެޑިކަލް ސްކޫލް ދަރުމަވަންތަ ހޮސްޕިޓަލުން، އެ ޔުނިވާސިޓީގެ މައި ކެމްޕަހަށް ބަދަލުކުރަން ނިންމާފައިވާއިރު، މި ނިންމުމާ ގުޅިގެން އެ ސްކޫލްގައި ކިޔަވަމުންދާ ދަރިވަރުން އަންނަނީ ކަންބޮޑުވުން ފާޅުކުރަމުންނެވެ.
މި މައްސަލައިގައި ރާއްޖޭގެ އެމްއެންޔޫ އިން މެޑިސިން ނުވަތަ ޑޮކްޓަރީކަން ކިޔަވަމުންދާ ދަރިވަރުން ކިޔެވުމަށް ދަރުމަވަންތަ ހޮސްޕިޓަލުން ދޫކޮށްލައިފާ ދެ ފަންގިފިލާ ހުސްކުރަން އެންގި މައްސަލައިގައި އެ ޔުނިއަން އިން ވަނީ ރައީސް އޮފީހާ ބައްދަލު ކޮށްފައެވެ.
އެ ބައްދަލުވުމަށް ފަހު އެ ޔުނިއަން އިން ނެރުނު ބަޔާނެއްގައި ވަނީ އިއްޔެ ރޭ ރައީސް އޮފީހުގެ އިސް ބޭފުޅުންނާއި އައިޖީއެމްއެޗް އަދި އެމްއެންޔޫޫގެ އިސްވެރިންނާއެކު ބައްދަލުވުމެއް ބޭއްވިއިރު، ސަރުކާރުން މެޑިސިން ކިޔަވާ ދަރިވަރުންގެ ކިޔެވުމަށް ހުރަސް އެޅޭނެ ފަދަ ކަމެއް ނުކުރައްޥާނެ ކަމުގެ ޔަގީންކަން ދިން އަރުވާފައިވާ ކަަމަށެވެ.
އެ ޔޫނިއަންގެ އެދުމުގެ މަތިން ރައީސް އޮފީހުގައި ރޭ ބޭއްވި ބައްދަލުވުމުގައި އައިޖީއެމްއެޗާއި އެމްއެންޔޫގެ އިސްބޭފުޅުން ވެސް ބައިވެރިވެވަޑައިގެންނެވިކަން ނޫސްބަޔާނުގައި ފާހަގަކުރި އެވެ. އަދި ދަރިވަރުންގެ ކަންބޮޑުވުންތައް ވަރަށް ތަފުސީލްކޮށް ޔޫނިއަނުންނާއި މެޑިސިން ކިޔަވާ ދަރިވަރުންގެ ފަރާތުން ތިލަކޮށްދިން ކަމަށް ބުންޏެވެ.
