އެމަނިކުފާނު މިހެން ވިދާޅުވީ މިއަދު ފާހަގަކުރާ މޭޑޭގެ މުނާސަބަތުގައި ރާއްޖޭގެ އެކި ކަންކޮޅުތަކުގައި މަސައްކަތްކުރާ ފަރާތްތަކަށް ތަހުނިޔާ ވިދާޅުވެ އެކްސްގައި ކުރެއްވި ޕޯސްޓެއްގައެވެ.
ރައީސް ސާލިހް ވިދާޅުވީ ރާއްޖޭގައި މަސައްކަތްތެރިންގެ ހައްޤުތައް ހޯދައިދިނުމަށް ކުރަމުންދާ މަސައްކަތުގައި އެމްޑީޕީން އަދާކުރި މުހިއްމު ދައުރަށް ފަހުރުވެރިވެވަޑައިގަންނަވާކަމަށެވެ. އެގޮތުން މަސައްކަތްތެރިންގެ ހައްގުތައް ހިމާޔަތްކޮށްދޭން ކޮށްދެވުނު މަސައްކަތްތަކާއި މަސައްކަތްތެރިންގެ އެންމެ ކުޑަ އުޖޫރަ ގާނޫނަކުން ކަނޑައެޅިގެން ދިޔަދިޔުން ރައީސް ސާލިހް ފާހަގަކުރެއްވިއެވެ.
މަސައްކަތް ތެރިންގެ ދުވަސް ފާހަގަކުރުމަށް 2006 ވަނަ އަހަރު އެމްޑީޕީން ބޭއްވި ހިނގާލުމުގެ ތެރެއިން. ފޮޓޯ: މުހައްމަދު އަބްދުﷲ ޝަފީގު
މަސައްކަތްތެރިންގެ ދުވަހުގެ ގޮތުގައި ފާހަގަކުރާ މެއި މަހުގެ 1 ވަނަދުވަހަކީ ކޮންމެ އަހަރެއްގައިވެސް ސަރުކާރު ބަންދު ދުވަހެއްގެ ގޮތުގައި ކަނޑައެޅީ ރައީސް ނަޝީދުގެ ވެރިކަމުގައި 2011 ވަނަ އަހަރުއެވެ.
