އޭސީސީ އިން މިފަދަ ޗާޓަރެއް އިފްތިތާހް ކުރީ އެ ކޮމިޝަނުން ފޯރުކޮށްދޭ ހިދުމަތްތަކަކީ ހިދުމަތް ލިބިގަންނަ މީހުން ބޭނުންވާ ފެންވަރުގައި ފޯރުކޮށްދެވޭ ހިތްހަމަޖެހޭ ހިދުމަތްތަކެއް ދެވޭ މުއައްސަސާއަކަށް ހެދުމުގެ މަގުސަދުގައެވެ.
އޭސީސީ އިން ދޭ ހިދުމަތްތަކާއި، އެ ހިދުމަތްތައް ހޯދޭނެ ގޮތްތަކާއި، ހިދުމަތް ފޯރުކޮށްދިނުމަށް ކަނޑައެޅިފައިވާ ވަގުތުތައް އެއްތާކުން ފެންނާނެ ގޮތަށް އެކުލަވާލާފައިވާ މި ސާވިސް ޗާޓަރު އޭސީސީގެ ވެބްސައިޓްގައި މިހާރު ވަނީ އާންމުކޮށްފަ އެވެ.
އެ ކޮމިޝަނުން ބުނީ އަމާޒަކީ ކޮމިޝަނުން އާއްމު ރައްޔިތުންނަށް ފޯރުކޮށްދޭ ހިދުމަތްތަކަކީ ވީހާ ވެސް އަވަސްކޮށް ރަނގަޅު ފެންވަރެއްގައި ފޯރުކޮށްދެވޭ ހިދުމަތްތަކަށް ހެދުން ކަމަށެވެ. އަދި ކޮމިޝަނުގެ ގާނޫނީ ޒިންމާ އަދާކުރުމަށް ކުރަމުން އަންނަ މަސައްކަތްތަކާއި ހިދުމަތްތައް ވީހާވެސް ފަސޭހައިން ރައްޔިތުންނަށް ލިބޭނެ ގޮތް އިންތިޒާމް ކުރުމަކީ ވެސް އަމާޒެއް ކަމަށް ބުންޏެވެ.
