އަންނަ މަހުގެ ކަރަންޓް ބިލުވެސް ބޮޑުވާނެކަމަށް ފަހުމީ މި ވިދާޅުވީ ސަރުކާރުން ބިލްތަކަށް ޑިސްކައުންޓްތަކެއް ދިންނަމަވެސް ކަރަންޓްް ބިލުތައް އިންތިހާއަށް ބޮޑުވެފައިވާކަމަށްް ބުނެ ރައްޔިތުން ޝަކުވާތައް ބޮޑުވެފައިވާ ދަނޑިވަޅެއްގައެވެ.
ދައުލަތުގެ ޓީވީން ގެނެސްދޭ "ރާއްޖެ މިއަދު" ގައި ވާހަކަ ދައްކަވަމުން ފަހުމީ ވިދާޅުވީ ކޮންމެ އަހަރެއްގެވެސް ހޫނު މުސުމަށް ކަރަންޓް ބިލު ބޮޑުވާކަމަށެވެ. އަދި މި އަހަރުވެސް މީ އާ ވަހަކައެއް ނޫންކަމަށާއި އަންނަމަހުވެސް ކަރަންޓް ބިލު ބޮޑުވާނެކަމަށް ފަހުމީ ވިދާޅުވިއެވެ.
ފަހުމީ ވިދާޅުވީ އެކުންފުނިން ބެލުމުންވެސް މި މަހުގެ ކަރަންޓް ބިލު އެހެން އަހަރުތަކާއި ހިލާފަށް ބޮޑުކަން ފާހަގަވެފައިވާކަމަށެވެ. އެހެންނަމަވެސް އެ ބިލް ބޮޑުވީ ސްޓެލްކޯއިން ކަމެއް ކޮށްގެން ނޫންކަމަށާއި އެއީ ކަރަންޓް ބޭނުންކުރުމުން ވީގޮތެއްކަމަށް ފަހުމީ ވިދާޅުވިއެވެ.
ރަމަޟާން މަހު ޑޮމެސްޓިކް ކަރަންޓާއި ފެން ބިލަށް ރައްޔިތުން ބޮޑު ހޭދައެއް ކުރަން ޖެހޭތީ، އެކަމަށް ހައްލެއް ހޯދާ ދިނުމަށް ކަރަންޓައި ފެން ބިލުން ޑިސްކައުންޓް ދިނުމަށް ރައީސް މުއިއްޒު ނިންމެވިއެވެ. އެހެންނަމަވެސް އެ ޑިސްކައުންޓް ދިނުމުންވެސް އެހެން ފަހަރަކުތަކަށް ވުރެ ބިލްތައް ބޮޑުކަމަށްް ބުނެ އާއްމު ރައްޔިތުންގެ ޝަކުވާތައް ވަނީ ބޮޑުވެފައެވެ.
