ޝަހީމް މިއަދު ގެމްބިއާއަށް ފުރައިވަޑައިގަންނަވަނީ: އޭނާ އެ ގައުމަށް ވަޑައިގަންނަވަނީ ރައީސްގެ މަންދޫބެއްގެ ގޮތުން - ފޮޓޯ/އިސްލާމިކް މިނިސްޓްރީ
އޯއައިސީގެ ސަމިޓަށް ޑރ. ޝަހީމް ގެމްބިއާ އަށް
އަލީ މިދުހަތު
02 މޭ 2024 - 23:31:00
އޯގަނައިޒޭޝަން ފޯ އިސްލާމިކް ކޯޕަރޭޝަން (އޯއައިސީ) ގެ ސަމިޓްގައި ރައީސް ޑރ. މުހައްމަދު މުއިއްޒުގެ ހާއްސަ މަންދޫބެއްގެ ގޮތުން ބައިވެރިވެވަޑައިގަތުމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ގެމްބިއާ އަށް ފުރާވަޑައިގެންފި އެވެ.
Advertisement
ގެމްބިއާގެ ވެރިރަށް ބަންޖުލްގައި ބާއްވާ 15 ވަނަ އޯއައިސީ ގައުމުތަކުގެ ވެރިންގެ ބައްދަލުވުން ކުރިއަށްދާނީ މިމަހުގެ 4 އިން 5 އަށެވެ. މި ބައްދަލުވުމުގައި 57 ގައުމެއްގެ އިސްވެރިން ބައިވެރިވެވަޑައިގަތުމަށް ވަނީ ހަމަޖެހިފަ އެވެ.
ގެމްބިއާގައި ބާއްވާ މިފަހަރު ބައްދަލުވުމުގެ މައިގަނޑު ތީމަކީ މަޝްވަރާކުރުމާއިއެކު ގުޅުންތައް ބަދަހިކޮށް ދެމެހެއްޓެނިިވި ތަރައްޤީއަށް މަސައްކަތް ކުރުމެވެ.
އޯއައިސީގެ މި ފަހަރުގެ ސަމިޓްގައި ފަލަސްތީނުގެ މައްސަލަ ވެސް ވަނީ އެޖެންޑާ ކޮށްފަ އެވެ.
ފަލަސްތީނުގެ މައްސަލާގައި ރާއްޖެ އިން އިއްޔެ ވަނީ އދ. ގައި އެ ގައުމުގެ ހައްގުގައި ވަކާލާތުކޮށްފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
