މޯލްޑިވްސް އޯޕަން 10 ބޯލް ޗެމްޕިއަންޝިޕް ވެގެންދާނީ މި އަހަރު ރާއްޖޭގައި ބާއްވާ ދެ ވަނަ ބައިނަލްއަގްވާމީ ކުޅިވަރު މުބާރާތަށެވެ. މި މުބާރާތް ފަށާނީ ޖޫން މަހުގެ 10 ދުވަހުއެވެ. މި މުބާރާތް އިފްތިތާހުކޮށްދެއްވީ ކުޅިވަރާ ބެހޭ ވަޒީރު އަބްދުالله ރާފިއު (ރާއްޕެ) އެވެ. މި މުބާރާތް ކުރިއަށްދާނީ އަންނަ މަހުގެ 10 - 14 މާލޭ ޕޫލް ބޯލް ހޯލުގަ އެވެ.
މި މުބާރާތް މިދިޔަ އަހަރުވެސް ރާއްޖޭގައި ބޭއްވިއެވެ. އެ މުބާރާތުގައި 40 އަކަށް ކުޅުންތެރިން ވާދަކުރިއިރު، މި އަހަރުވަނީ އެ އަދަދު ދެގުނަ އިތުރުވެފައެވެ.
މި ފަހަރުގެ މުބާރާތުގައި ދުނިޔޭގެ 22 ގައުމަކުން ކުޅުންތެރިން ބައިވެރިވާނެއެވެ. އޭގެ ތެރޭގައި ރާއްޖޭގެ އިތުރުން ޔޫރަޕުގެ ގައުމުތަކާއި އޭޝިއާގެ ގައުމުތަކުގެ އިތުރުން އެމެރިކާއާ ކެނެޑާ އަދި މެދު އިރުމަތީގެ ބައެއް ގައުމުތައްވެސް ހިމެނެއެވެ.
މިދިޔަ އަހަރު ރާއްޖޭގައި ބޭއްވި މި މުބާރާތުގެ ޗެމްޕިއަންކަން ހޯދީ ޗައިނީސް ތައިޕޭގެ ކޯ ޕީ ޗުން އެވެ.
