ދުނިޔޭގެ ފެންވަރުގެ ޕޫލް ބިލިއާޑު ހަބެއް ރާއްޖޭގައި ގާއިމް ކުރުމަކީ ސަރުކާރުގެ އަމާޒެއް ކަމަށް ކުޅިވަރު ވަޒީރު ރާފިޢު ވިދާޅުވީ، މޯލްޑިވްސް އޯޕަން 2024 - 10 ބޯލް ޗެމްޕިއަންޝިޕް ލޯންޗުކުރުމުގެ ރަސްމިއްޔާތުގައި ވާހަދައްކަވަމުންނެވެ.
ވަޒީރު ވިދާޅުވީ ރާއްޖެއަކީ ޕޫލް ބިލިއާޑުގެ ހަބެއްގެ ގޮތުގައި ދުނިޔެއަށް ދައްކަން ބޭނުންވާ ކަމަށެވެ. އަދި އެކަން ކާމިޔާބުކުރެވޭނީ ޓްރެވަލް ޑެސްޓީނީއެއްގެ ގޮތުގައި ދުނިޔޭގެ މަގުބޫލު މަންޒިލަކަށް ރާއްޖެ ވުމުން ކަމަށް ވަޒީރު ވިދާޅުވިއެވެ.
މޯލްޑިވްސް އޯޕަން 10 ބޯލް ޗެމްޕިއަންޝިޕް ވެގެންދާނީ މި އަހަރު ރާއްޖޭގައި ބާއްވާ ދެ ވަނަ ބައިނަލްއަގްވާމީ ކުޅިވަރު މުބާރާތަށެވެ. މި މުބާރާތް ފަށާނީ ޖޫން މަހުގެ 10 ދުވަހުއެވެ. މި މުބާރާތް އިފްތިތާހުކޮށްދެއްވީ ކުޅިވަރާ ބެހޭ ވަޒީރު އަބްދުالله ރާފިއު (ރާއްޕެ) އެވެ. މި މުބާރާތް ކުރިއަށްދާނީ އަންނަ މަހުގެ 10 - 14 މާލޭ ޕޫލް ބޯލް ހޯލުގަ އެވެ.
