މި މސައްކަތް ހަވާލުކޮށްފައިވަނީ އަމިިއްލަ ކުންފުންޏެއްކަމަށްވާ ޒެބޮކް އާއެވެ. އެޑިއުކޭޝަން މިނިސްޓްރީން ބުނީ އެ މަސައްކަތް އެ ކުންފުންޏާއި ހަވާލުކުރީ 22 ދުވަހުގެ ނިންމާ ގޮތަށްކަމަށެވެ. މި މަސައްކަތުގެ އަގަކީ 1,106,644.66ރ އެވެ.
ވިލާ ކޮލެޖުގެ އިރުން އޮންނަ ހުސްބިމުގައި އިމާރާތްކުރި ދަރުމަވަންތަ ސްކޫލްގައި ކިޔާވާދޭން ފެށީ މި ނުމުނު ދިރާސީ އަހަރުއެވެ، އެސްޖޭ ކޮންސްޓްރަކްޝަނާ ހަވާލުކޮށްގެން އެޅި ދަރުމަވަންތަ ސްކޫލަކީ ދައުލަތުން 74.9 މިލިއަން ރުފިޔާ ހަރަދުކޮށްގެން އަޅަފައިވާ ސްކޫލެކެވެ.
ކ.އަތޮޅު ތައުލީމީ މަރުކަޒުގެ ސައިންސް ލެބް އިމާރާތް އެޅުމަށް އަމިއްލަ ކުންފުންޏެއް ކަމަށްވާ ޓިކް ޓެކް އިންވެސްޓްމެންޓާއެކު އެއްބަސްވުމުގައި ސޮއިކުރަނީ
އެޑިއުކޭޝަން މިނިސްޓްރީން މިއަދު ވަނީ ކ.އަތޮޅު ތަޢުލީމީ މަރުކަޒުގެ ސައިންސް ލެބް އިމާރާތް އެޅުމުގެ މަސައްކަތްވެސް ބަޔަކާއި ހަވާލުކޮށްފައެވެ. އެ މަސައްކަތް ހަވާލުކުރީ އަމިއްލަ ކުންފުންޏެއް ކަމަށްވާ ޓިކް ޓެކް އިންވެސްޓްމެންޓާއެވެ. އެޑިއުކޭޝަން މިނިސްޓްރީން ބުނީ މި މަސައްކަތް އެކުންފުންޏާއި ހަވާލުކުރީ 100 ދުވަހުގެ ތެރޭ ނިންމާގޮތަށްކަމަށެވެ. މަސައްކަތުގެ އަގަކީ 2,401,295.33 ރުފިޔާއެވެ.
