ފުޓްބޯޅައިގައި މުޅި ދިވެހި ރާއްޖެ ތަމްސީލުވާނެ ނިޒާމާކަށް މަސައްކަތް ފަށައި ބާރު ސްޕީޑްގައި އެ ކަން ކުރިއަށް ގެންދާ ކަމަށް މިނިސްޓަރު ރާފިއު ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރަކު ކުރެއްވި ސުވާލަކަށް ޖަވާބު ދެއްވަމުންނެވެ.
މިނިސްޓަރު ރާފިއު ވިދާޅުވީ ފުޓްބޯޅަ އާއި ރާއްޖޭގެ އެހެން ކުޅިވަރުތައް ދެމެހެއްޓެނިވި ގޮތުގައި ކުރިއަރުވާނެ ދުރު ރާސްތާ ޕޭލޭނެއް ބޭރުގެ ތަޖުރިބާކާރުންގެ އެހީގައި އެކުލަވާލެވިފައިވާ ކަމަށެވެ. މިނިސްޓަރު ވިދާޅުވި ގޮތުގައި، އެ ޕްލޭންގެ ދަށުން ތަފްސީލީ މަސައްކަތުގެ ތެރެއިން ދަނޑުތައް ވަކި ފެންވަރަކަށް ގެނައުމުގެ މަސައްކަތްތައް ވަނީ ފަށައިފަ އެވެ.
ފުޓްބޯޅައިގައި މުޅި ދިވެހި ރާއްޖެ ތަމްސީލުވާނެ ނިޒާމާކަށް މަސައްކަތް ފަށްޓަވާފައިވާ ކަމަށް މިނިސްޓަރު ވިދާޅުވިއިރު، އެފްއޭއެމް ބޮއްސުންލައި، އެތަނުގެ ކޮރަޕްޝަންގެ މައްސަލަތައްވަނީ ކޯޓާ ހިސާބަށް ގޮސްފައެވެ.
