ކަންނެލި މަސްވެރިކަން ކުރާ އުޅަނދުތައް ހިމެނޭ ވީޑީއޯއެއް އާއްމުކުރަމުން އެ ޔޫނިއަނުން ކުރި ޕޯސްޓެއްގައި ބުނީ ރާއްޖޭގެ އުތުރުގެ ސަރަހައްދުގައި އެތައް ކަންނެލި ދޯންޏެއް ހަރަކާތްތެރި ވަމުން އަންނަކަމަށެވެ. އެހެންނަމަވެސް އެ ސަރަހައްދުން އައިސް ނުލިބޭތާ އެތައް ދުވަހެއް ވެފައިވާކަމަށެވެ.
އިހަވަންދޫ އައިސް ޕްލާންޓުން އައިސް ނުލިބޭކަމަށް ބޮޑު ކަންނެލި މަސްވެރިންގެ ޔޫނިއަނުން ބުނެފައި މިވަނީ އެ ޕްލާންޓް މަރާމަތު ކޮށް މިދިޔަ ފެބްރުއަރީމަހުގެ 20 ވަނަދުވަހުން ފެށިގެން އައިސް ދޫކުރަމުން އަންނަކަމަށް މިދިޔަ މަހު މަސްވެރިކަމާއި ބެހޭ ވުޒާރާއިން ބުނެފައިވަނިކޮށެވެ.
މަސް ދޯނިފަހަރަށް އައިސް ލިބުމުގައި ދިމާވާ ދަތިތަކަށް ހައްލު ހޯދުމަށް ކުރަމުންދާ މަސައްކަތްތަކުގެ ތެރެއިން، އިތުރު 11 ރަށެއްގައި އައިސް ޕްލާންޓު ގާއިމްކުރުމުގެ މަސައްކަތް ކުރަމުންދާކަމަށް މަސްވެރިކަމާއި ބެހޭ ވުޒާރާއިން ވަނީ ބުނެފައެވެ.
