ޔުނައިޓެޑްގެ ރަން ޒަމާނުގެ އެންމެ ރަނގަޅު އެއް ކުޅުންތެރިޔާ ކަމަށްވާ ޑޭވިޑް ބެކަމް، މިވަގުތު ހުރީ މެންޗެސްޓަރގައެވެ. އޭނާ މެންޗެސްޓަރގައި ހުރީ، 1999 ވަނަ އަހަރުގެ ސީޒަންގެ ހުރިހާ މުބާރާތެއް ޔުނައިޓެޑުން ކާމިޔާބު ކުރި ގޮތާ ގުޅޭ ގޮތުން ހަދާފައިވާ ޑޮކިއުމެންޓްރީއެއް ރިލީޒް ކުރާށެވެ.
މި ޑޮކިއުމެންޓްރީގެ ޕްރިމިއާގެ ހަވާސާގައި ބެކަމްވަނީ ޔުނައިޓެޑުގެ މިހާރުގެ ހާލަތާ މެދު ކަންބޮޑުވުން ފާޅުކޮށްފައެވެ. ބެކަމް ގަބޫލުކުރާ ގޮތުގައި ނަތީޖާ ދަށްވުމުގެ ކުޅުންތެރިންގެ ބައި ކުޅުންތެރިން ގަބޫލުކޮށް އެކަން ބަދަލު ކުރަން ޖެހޭނެއެވެ.
ލެޖެންޑަރީ ކޯޗު ސަރ އެލެކްސް ފާގަސަންގެ އިރުޝާދުގެ ދަށުން ޕްރިމިއާ ލީގާއި ޗެމްޕިއަންސް ލީގާއި އެފްއޭ ކަޕް ކާމިޔާބުކުރި ޔުނައިޓެޑް ޓީމުގައި ބެކަމްއަކީ މުހިއްމު ކުޅުންތެރިއެކެވެ. އަދި ޔުނައިޓެޑުން ރިއާލް މެޑްރިޑަށް ބަދަލުވި ބެކަމްވަނީ އިގިރޭސި ގައުމީ ޓީމުގެ ކެޕްޓަންކަންވެސް ކޮށްފައެވެ.
ޕޯލް ސްކޯލްސް، ގޭރީ ނެވިލް އަދި ނިކީ ބަޓް ވެސް ހިމެނޭ ޔުނައިޓެޑްގެ މަޝްހޫރު “ކްލާސް އޮފް 92” ގެ މެމްބަރެއް ކަމަށްވާ ބެކަމް ވަނީ ރެއާލް މެޑްރިޑާ ގުޅުމުގެ ކުރިން 11 އަހަރު ތެރޭގައި ޕްރިމިއާ ލީގުގެ ހަ ތަށި، ޗެމްޕިއަންސް ލީގު، އަދި އެފްއޭކަޕް ޔުނައިޓެޑާއެކު ހޯދާފަ އެވެ.
