2019 ވަނަ އަހަރު، ނިއުރޭޑިއަންޓުގައި ހުރުމަށް ފަހު ބަންގްލަދޭޝްއިން ލިބުނު ފުރުސަތެއްގައި އެ ގައުމުގެ ބަޝަންދުރާ ކިންގްސްއާ ހަވާލުވި ކޯޗު އޮސްކާ ބުރޫޒޯންގެ އިރުޝާދުގެ ދަށުން ބަޝަންދުރާއިން ފަސްވަނަ ފަހަރަށް ލީގު ކާމިޔާބު ކުރީ މުހައްމަދިން ބަލިކޮށްގެނެވެ.
ވިދިވިދިގެން ފަސް ވަނަ އަހަރު ބަންގްލަދޭޝްގެ ލީގު ކާމިޔާބު ކުރިއިރު، އަދި ބާކީ ހަތަރު ނުކުޅެ އެބައޮތެވެ. ކިންގްސްއިންވަނީ މި ފަހަރުގެ މިހާތަނަށް 15 މެޗުން، 40 ޕޮއިންޓް ހޯދާފައެވެ.
ބަޝަންދުރާ ކިންގްސްއަށް ފަސްވަނަ ފަހަރަށް ލީގު ކާމިޔާބުކޮށްދިން އޮސްކާވަނީ ރާއްޖޭގައި ހޭދަ ކުރި އެއް އަހަރުގެ ތެރޭގައި ރާއްޖޭގެ އެއްވަނަ ޑިވިޝަނުގައި ހުރިހާ މުބާރާތެއް ނިއުރޭޑިއަންޓަށް ކާމިޔާބުކޮށްދީފައެވެ. އެއީ އެފްއޭކަޕާ، ޕްރިމިއަރ ލީގު އަދި އޭރު ކުޅޭ މާލޭ ލީގުގެ އިތުރުން ޗެރިޓީ ޝީލްޑެވެ. އޮސްކާ ރާއްޖޭގައި ހޭދަކުރި އަހަރުގެ އެންމެ މޮޅު ކޯޗުގެ މަގާމުވެސް އޭނާވަނީ ހޯދާފައެވެ.
