މިނިސްޓަރ މިއަދު "އެކްސް"ގައި ކުރެއްވި ޕޯސްޓެއްގައި ވިދާޅުވީ، ނަރުހުންނަކީ ކެތްތެރިކަމާއި ހިތްވަރާއެކު ރައްޔިތުންނަށް ދިމާވާ ކޮންމެ ހާލަތެއްގައިވެސް، އެއްވެސް ފަސްޖެހުމެއްނެތި މަސްއޫލިއްޔަތު އަދާކުރުމުގައި ދެމި ތިބޭ ބައެއް ކަމަށެވެ.
އެ މަސައްކަތުގައި ދެމި ތިއްބެވި އެންމެހާ ދިވެހި ނަރުހުންނަށް ބައިބަލްއަގްވާމީ ނަރުހުންގެ ދުވަހުގެ ތަހުނިޔާ މިނިސްޓަރު ވަނީ އަރިސް ކުރައްވާފަ އެވެ.
މީގެ އިތުރުން، އެ ޕޯސްޓްގައި ވިދާޅުވެފައި ވަނީ، އިންސާނިއްޔަތަށް ހިދުމަތް ކުރުމުގައި ގައްޒާގެ ސިއްހީ ހިދިމަތުގައި މަސައްކަތް ކުރާ އެންމެހާ ނަރުހުންނަށް ކެއްތެރި ކަމާއި ސާބިތުކަން ދެއްވުމަށް އެދި މާތްﷲ ގެ ހަޒްރަތުގައި ދުއާ ދަންނަވާ ކަމަށެވެ،
ބައިނަލްއަގުވާމީ ނަރުހުންގެ ދުވަހަކީ ކޮންމެ އަހަރެއްގެ މެއި މަހުގެ 12 ވަނަ ދުވަހެވެ. މިއަހަރުގެ ނަރުހުންގެ ދުވަހުގެ ޝިއާރެއްގެގޮތުގައި އިންޓަރނޭޝަނަލް ކައުންސިލް އޮފް ނަރސަސްއިން ކަނޑައަޅާފައިވަނީ "އަވަރ ނަރސަސް، އަވަރ ފިއުޗަރ. ދަ އިކޮނޮމިކް ޕަވަރ އޮފް ކެއަރ" އެވެ.
މިއީ ސިއްހީ ނިޒާމުގެ މައިބަދައިގެ ގޮތުގައި ގިނަ ބަޔަކު ސިފަކުރާ ނަރުހުންނަށް ހިދުމަތުގެ ތެރޭގައި މާލީގޮތުން ދިމާވާ އެކިގޮންޖެހުންތަކާމެދު ވިސްނާ، އެކަންކަމަށް އެދެވޭ ފިޔަވަޅުތަކެއް އެޅުމަށް ބާރުއެޅުމުގެ ގޮތުން ކަނޑައަޅާފައިވާ ޝިއާރެކެވެ.
