ނުސްވެރިންނާ ބައްދަލިކުރައްވާ ލުބުނާ މިއަދު ވިދާޅުވީ އެންޑީއޭގެ ފަރުވާއަށް ފުދޭ ވަރަކަށް ގިނަ މީހުން ވެއިޓްލިސްޓުކޮށްފަ އެބަތިބި ކަމަށެވެ. އެގޮތުން ޑިޓޮކްސިފިކޭޝަން އަދި މެތަޑޯން ޓްރީޓްމަންޓަށް ބޭނުންވާ ފަރާތްތައް ގިނަކަން އޭނާ ވަނީ ފާހަގަކޮށްފަ އެވެ. އެހެންކަމުން އެ ފަރާތްތަކުގެ އެސެސްމެންޓުތައް ހެދުމުގެ މަސައްކަތް ކުރަމުންދާ ކަމަށެވެ.
ނެޝަނަލް ރީއެންޓަގްރޭޝަން ސެންޓަރުގައި މިވަގުތު 21 މީހަކަށް ފަރުވާދެމުންދާއިރު 14 ކުޑަކުދިން ހިމެނޭ ކަމަށް ލުބުނާ ވަނީ ވިދާޅުވެފައެވެ. އެ ފަރާތްތަކަށް އެޑިއުކޭޝަނަލް ތެރަޕީ، ސައިކޯ ސޯޝަލް ތެރަޕީ ހިމެނޭހެން ގިނަ ފަރުވާތައް ދެމުންދާކަން ލުބުނާ ފާހަގަ ކުރެއްވި އެވެ.
- ރެސިޑެންޝިއަލް ކޮމިޓީރިއަލް ފަރުވާގައި މިވަގުތު ތިބީ 434 މީހުން.
- މެތަޑޯން އެސެސް ދި ޓްރީޓްމެންޓުގައި ޖުމްލަ 189 މީހުން ރާއްޖޭގައި.
- ޑިޓޮކްސިފިކޭޝަން ފަރުވާގައި ރާއްޖޭގައި 427 މީހުން ފަރުވާގައި އެބަތިބި.
- ރެސިޑެންޝިއަލް ފަރުވާގައި ޖުމްލަ ރާއްޖޭގައި 134 މީހުން.
- ސެމީ ރެސިޑެންޝިއަލް ފަރުވާގައި 9 މީހުން މިވަގުތު ހާފްވޭ ހައުސްގައި.
ރިހަބިލިޓޭޝަން އޯޑާއެއް ލިބިފައިވަނީ 6 މަސް ދުވަހުގެ މުއްދަތައް ކުރިމިނަލް ކޯޓުން އަދި ޖުއެނަލް ކޯޓުންކަމަށާއި މި މުއްދަތު ހަމަވަންދެން ފަރުވާ ދެމުން ދާނެކަމަށާއި، ފަރުވާ ފުރިހަމަ ނުވާކަމުގައިވާނަމަ އިތުރު ކޯޓް އޯޑަރަކަށް އެދޭނެ ކަމަށެވެ.
ޖުވެނައިލް ޖަސްޓިސް ޑިޕާޓްމަންޓުގައި މިވަގުތު 444 ކުއްޖަކަށް ފަރުވާ ދެމުންދާ ކަމަށްވެސް ލުބުނާ ވަނީ ވިދާޅުވެފައެވެ.
އަދި މީގެ ތެރެއިން 5 ކުދިން ތިބީ ޖުވެނަލް ޑިޓެންޝަން ސެންޓާގައި ކަމަށާއި 10 ކުދިން ތިބީ މާފުށީ ޖަލުގައި ކަމަށާއި އަދި 2 ކުދިން ތިބީ ދޫނިދޫގައެވެ. މި ހުރިހާ ކުދިން ނަކީވެސް 18 އަހަރުން މަތީގެ ކުދިންނެވެ.
