އާފިޔާ ބުނީ 2023ގެ ޖުލައިމަހު އޭޑީކޭއިން ޕެޓް ސްކޭނާއެއް އަލަށް ގެނެސްގެން އުޅުނުއިރު އޭގެ ސްކޭނެއް ހަދާދިނީ MVR 16,016.00އަށް އަދި މިއީ 1038ޑޮލަރުކަމަށެވެ. އަދި މި މޭމަހު މެޑިކަލް ރިވިުއަށް އޭނާ ބެންގަލޫރަށް ކުރި ދަތުރުގައި ޕެޓްސްކޭން ހައްދަން އާސަންދައިން، ހެޗް ސީ ޖީ ހޮސްޕިޓަލްގެ ބިލަށް އެޕުރޫޕްކުރީ 150ދޮލަރު ކަމަށް އާފިޔާ ބުނެއެވެ.ނަމަވެސް ސްކޭންގެ ބިލަށް މާބޮޑުތަނުން އިތުރުވިކަމަށް އާފިޔާ ވަނީ ފާހަގަކޮށްފަ އެވެ.
އައިޖީއެމްއެޗް އިން މަދު ނަމަވެސް ބައެއް ހިދްމަތްތައް ކެންސަރު ބަލީގެ މީހުންނަށް މިހާރު ފޯރުކޮށްދޭން ފަށާފައިވާކަމަށް ފާހަގަކޮށް އާފިޔާ ވަނީ ހުޅުމާލެ ހޮސްޕިޓަލުންވެސް ކީމީއޯތެރަޕީދެވޭ ނިޒާމެއް މިހާރު ގާއިމކޮށްފައިވާމަށް ފާހަގަކޮށްފައެވެ. އަދި އެއީ ކުރިއާ އަޅާބަލައިރު ކުރިއެރުމެއްނަމަވެސް ކެންސަރު ބައްޔަށް ހަާއްސަ ޑޮކްޓަރުންނެއް ނުތިބޭކަމަށް ބުނެ އާފިޔާ ވަނީ ކަންބޮޑުވުން ފާޅުކޮށްފަ އެވެ.
އައޖީއެމްއެޗް އަދި އޭޑީކޭ އިން އަދި އަމިއްލަ ހަރަދުގާ ޓްރީޓޮޕފުން އަގުބޮޑު ޓެސްޓުތައް ހަދަން ދޮޅު މަސްވެ ވަގުތު ނެގުމުން އޭނާގެ ކިހިލިފައްޗަށް ބްރެސްޓް ކެންސަރު ފެތުރުން ކަމަށް އާފިޔާ ފާހަގަކުރިއެވެ. އަދި މިދިޔަ އަހަރު ބެންގަލޫރުން ސާޖަރީ ހެދުމުން އެނގުނީ ކިހިލިފަތުގެ 3 ލިންފްނޯޑަށް ކެންސަރުފެތުރިވާކަމަށް މަޔޫސްކަން މަތީގައި ހުރި އާފިޔާ ބުނެއެވެ. ކީމީޔޯތެރަޕީގެ ސައިކަލްތައް 12 މަސްވަންދެން ނަގަން ޖެހުނު ކަމަށާއި އަދިވެސް 7 ސައިކަލް ކީމޯތެރަޕީނަގަންޖެހޭ ކަމަށް އާފިޔާ ބުންޏެވެ.
ރާއްޖޭގައި ކެންސަރުގެ ބަލިމީހުންނަށް ހާއްސަކުރެވިފާވާ ކެންސަރު ހޮސްޕިޓަލެއް ވީހާވެސް އަވަހަށް އަޅަންޖެހޭކަަމަށާއި ރާއްޖޭއިން އެ ހިދްމަތްތައް ލިބުން މުހިއްމުކަަމަށް އާފިޔާ ފާހަގަކުރެ އެވެ.
އާފިޔާގެ ތަޖުރިބާގެ ވާހަކަ އިވުމުން ގިނަ ބަޔަކު ވަނީ އެ ޕޯސްޓްގެ ކޮމެންޓް ސެކްޝަންގައި ހިތާމަފާޅުކޮށް، އާފިޔާއަށް ހިތްވަރުދީ އަވަސް ޝިފާއަަކަށް އެދިފަ އެވެ.
ރާއްޖެއަކީ މިއަށްވުރެއް މާ ރަނގަޅަށްވެސް ސިއްހީ އަދި އެހެނިހެން ހިދުމަތް ދެވިދާނެ ގައުމެއް، ނަމަވެސް ހަގީގަތް ވަރަށް ދެރަ ކަމަށް އާފިޔާ އަށް ހިތްވަރު ދީ މީހަކު ލިޔެފައި އިނެވެ. ގިނަ ބަޔަކުވަނީ އާފިޔާ ހިތްވަރުދީ އަވަސް ޝިފާއަކަށް އެދިފަ އެވެ. އަދި ސަރުކާރުން ކެންސަރުބަލީގެ ބަލިމީހުންގެ ހާލަތު މިހާރަށް ވުރެ ގާތުން ބެލުމަށް ވެސް ގިނަބަޔަކު ވަނީ އެދިފައެވެ.
ރާއްޖޭގެ އާބާދީއާ އަޅާބަލާއިރު، ގިނަ ބަޔަކު ކެންސަރުގެ ފަރުވާ ހޯދައެވެ.
ކެންސަރު ހޮސްޕިޓަލެއް އަޅާ ރާއްޖޭގައި އެބައްޔަށް ފަރުވާ ހޯދުމަކީ ރައީސް މުއިއްޒުގެ ރިޔާސީ ވައުދެކެވެ. އެގޮތުން މާލޭގައި ކެންސަރު ހޮސްޕިޓަލެއް ތަރައްގީކުރުމަށް ވަނީ ހަަމަޖެހިފަ އެވެ. އެ ހޮސްޕިޓަލް އަޅަން ހަަމޖެހިފައިވަނީ އައިޖީއެމްއެޗްގެ މުވައްޒަފުންގެ ޕާކިން އޭރިއާއާއި އެ ތަނާ ޖެހިގެން އޮންނަ ޕާކިން ޒޯންގެ އިރަށް އޮންނަ ހުސް ބިމުގައި ކަމަށް ހެލްތް މިނިސްޓްރީން މައުލޫމާތުދެ އެވެ.
ރާއްޖޭގައި 17 ޕަސެންޓް މީހުން މަރުވަނީ ކެންސަރުގައި ކަމަށް، ދުނިޔޭގެ ސިއްހަތު ޖަމިއްޔާއާ ހަވާލާދީ އެޗްޕީއޭއިން މިފަހުން ވަނީ ބުނެފަ އެވެ. ރާއްޖޭގައި އެންމެ ގިނައިން ފެންނަ ކެންސަރުގެ ބާވަތްތަކުގެ ތެރޭގައި އުރަމަތީގެ ކެންސަރާއި ފުއްޕާމޭގެ ކެންސަރާއި ލޭގެ ކެންސަރާއި ތައިރޮއިޑް އަދި ޕްރޮސްޓޭޓް ކެންސަރު ހިމެނެ އެވެ.
ދުނިޔޭގެ ކެންސަރު ބަލީގެ ދުވަހާ ގުޅިގެން ނެރުނު ބަޔާނުގައި އެޗްޕީއޭއިން ބުނީ އެ ބައްޔަކީ ދުނިޔޭގައި ދެ ވަނައަށް އެންމެ ގިނަ މީހުން މަރުވާ ސަބަބު ކަމަށެވެ. އަހަރަކު 10 މިލިއަން މީހުން އެ ބަލީގައި މަރުވާއިރު، 40 ޕަސެންޓް މީހުންނަކީ ދިރިއުޅުމުގެ ވައްޓަފާޅި އާއި ގެންގުޅޭ ނުރަނގަޅު އެކި އާދަތަކުގެ ސަބަބުން ކެންސަރު ބަލި ޖެހޭ މީހުން ކަމަށް ބަޔާނުގައިވެ އެވެ.
