ވ.އަތޮޅު ކައުންސިލްގެ ރައީސް ޝުޖާއު އަލީ އެކްގައި ކުރި ޕޯސްޓެއްގައިި ވިދާޅުވީ، ކައުންސިލް ހިންގުމަށް މިކަމުގެ ސަބަބުން ދަތިވާ ކަމަށާއި، މިކަމުގެ ވާނުވާ ސާފުކޮށްދެއްވާ ޤަވައިދުން މި ފައިސާ ލިބޭނެގޮތް ހައްދަވާ ދެއްވުމަށެވެ.
ޝުޖާއު ވިދާޅުވީ، ނޮވެންބަރުން ފެށިގެން ގްރާންޓް ނުލިބި ލަސްވަމުން ދާ ކަމަށެވެ. އެ ކައުންސިލަށް 3 އަހަރު ވިއިރު ދައުލަތުން އެ މަހަކަށް ދޭންޖެހޭ ގުރާންޓް އެމަހެއްގެ މުސާރަ ދިނުމުގެ ކުރިން ދޭ ކަމަށެވެ. ކައުންސިލްގެ ހަރަދުތައް އެ މަހެއްގަ ލިބޭ ގުރާންޓުން ހަމަޖެއްސޭ ގޮތަށެވެ.
ނަމަވެސް މިހާރު، އެ ކައުންސިލް އައް ލިބެންޖެހޭ ގްރާންޓް ލިބެނީ 2 މަހުން 1 މަހު ކަމަށެވެ. މިކަމުގެ ސަބަބުން މަހުން މަހައް ކުރަންޖެހޭ ހަރަދުތައް ނުކުރެވޭ ކަމަށެވެ.
ޝުޖާއު ވިދާޅުވީ، ދައުލަތުން ދޭ ގްރާންޓް އަކީ މުޅި ދައުލަތައް ލިބޭ ބަޖެޓުގެ %5 ކަމަށާއި، ކައުންސިލް ތަކައް އާމްދަނީ ހޯދަން މާގިނަ ކަންތައްތަކެއް ނުކުރެވޭ ކަމަށެވެ. އަދި ވިދާޅުވީ، ގްރާންޓް ނުލިބުމުގެ ސަބަބުން ކައުންސިލްގެ އިދާރީ ހިންގުމަށް ވަރައް ބޮޑަށް ދަތިވާކަމަށެވެ.
މި ސަރުކާރުން ވަނީ ލާމަރުކަޒީ ނިޒާމްގެ ތެރެއިން ކައުންސިލުތައް ބާރުވެރިކުރުމަށް ގިނަ މަސައްކަތްތަކެއް އިއުލާނުކޮށްފަ އެވެ. އޭގެ ތެރޭގައި ރަށްރަށުގައި ހިންގާ ގެސްޓުހައުސްތަކަށް ލޯކަލް ޓޫރިޒަމްގެ ތެރެއިން ލިބޭ ޓީޖީއެސްޓީން ވަކި ޕަސަންޓެއް ކައުންސިލްތަކުގެ އާމްދަނީއަށް އިތުރު ކުރުމަށް ލާމަރުކަޒީ ގާނޫނު އަދި ޓޫރިޒަމް ގާނޫނަށް އިސްލާހު ގެނައުން ހިމެނެ އެވެ.
