ޑިފެންސް މިނިސްޓްރީން މި ތުހުމަތު ކުރެއްވީ ރާއްޖޭގައި އޮންނަ އިންޑިއާގެ އަސްކަރީ ތިން އުޅަނދު ދުއްވަން ތިބި ސިފައިން ފޮނުވާލާ މަދަނީން ގެނައިކަން އިއުލާނުކުރަން މެއި 11، ގައި ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގަ އެވެ. ގައްސާން އެ ދުވަހު ވިދާޅުވީ ހުއްދަނެތި ހެލިކޮޕްޓަރު ދަތުރުކުރީ ތ. ތިމަރަފުށްޓަށް ކަމަށެވެ.
ރާއްޖޭގައި ހުންނަ އިންޑިއާ ހައިކޮމިޝަނުން މިއަދު ނެރުނު ނޫސް ބަޔާނެއްގައި ބުނީ، ރާއްޖޭގައި ހުރި އިންޑިއާގެ ވައިގެ އުޅަނދުފަހަރު ބޭނުންކުރަމުން އައީ ރާއްޖޭގެ ގައުމީ ދިފާއީ ބާރުން ހޯދަންޖެހޭ ހުއްދަތައް ނަގައި އޮންނަ އުސޫލުގެ ތެރެއިން ކަމަށެވެ.
އިންޑިއާ ހައިކޮމިޝަނުގެ ބަޔާނުގައި އިތުރަށް ބުނީ ތިމަރަފުށީ އެއާޕޯޓުގައި ހެލިކޮޕްޓަރު ޖައްސަން ޖެހުނީ ކުއްލި ހާލަތެއް ދިމާވެގެންނެވެ. އެކަމަށް ބޭނުންވާ ހުރިހާ ހުއްދައެއް އެއާ ޓްރެފިކް ކޮންޓްރޯލުން ވެސް ހޯދި ކަމަށާއި އެ ދުވަހުގެ ހާދިސާގައި ތިމަރަފުށްޓަށް ޖެއްސީ ހެލިކޮޕްޓަރާއި ކްރޫއިންގެ ސަލާމަތައް ބަލާ ކޮންމެހެން އެމަޖަންސީކޮށް ޖައްސަން ޖެހިގެން ކަމަށް ވެސް އިންޑިއާއިން ބުނެ އެވެ.
