ކުޅިވަރުގެ ދާއިރާގެ ކަންކަމާ ގުޅޭ ގޮތުން މިއަދު ބޭއްވި ޕްރެސް ކޮންފަރެންސްގައި ކުޅިވަރު ވަޒީރު ޢަބްދުﷲ ރާފިއު ވިދާޅުވީ، ކުޅިވަރު އެސޯސިއޭޝަންތައް ވިޔަފާރި މޮޑެލްއަކަށް ބަދަލުކޮށް މީރާގައި ރަޖިސްޓަރީ ކުރެވޭނެ ގޮތަށް ކުޅިވަރު ގާނޫނަށް އިސްލާހު ހުށަހަޅަން ގެންގުޅުއްވާ ކަމަށެވެ.
ވަޒީރު ވިދާޅުވީ އެސޯސިއޭޝަންތަކަށް ވިޔަފާރިގެ ފުރުސަތުތައް ތަނަވަސްކޮށް އިކޮނޮމިކްލީ ވަޔަބަލް މޮޑެލްތަކަކުން ކުޅިވަރުގެ މުއައްސަސާތައް ބަދަލު ކުރުމުގެ ވިސްނުން ގެންގުޅުއްވާ ކަމަށެވެ.
ވަޒީރު ވިދާޅުވީ އެކަމަށް އިސްކަން ދީގެން ކުޅިވަރު އިދާރާތައް މިނިވަންކަމާ އެކު ހިންގުމުގެ ފުރުސަތު ދިނުމުގެ ވާހަކަ ރާއްޖޭގައި ދައްކާތާ ގިނަ ދުވަސްވެފައިވީ ނަމަވެސް އެކަމަކު މިހާތަނަށް އެކަމަށް އަމަލީ ސިފައެއް އައިސްފައި ނުވާ ކަމަށެވެ. ވަޒީރު ވިދާޅުވީ އެ މޮޑެލް އަށް ހިންގުމުގެ އެންމެ ބޮޑު ބޭނުމަކީ އެސޯސިއޭޝަންތަކުގެ ބަޖެޓަށް ލުއި ގޮތްތަކެއް ހޯދައިދިނުމެވެ.
