މިދިޔަ ރައްޔިތުން މަޖލީހުގެ އިންތިހާބުގެ ކުރިޔަށް ނާޒިމާ ހުންނެވީ އައިޖީއެމްއެޗްގެ ނާސިން ކޯޑިނޭޓަރުގ ގޮތުގައެވެ. އޭގެ ކުރިން ގައިނީ ވޯޑްގެ މެނޭޖަރުގެ މަގާމުވެސް ނާޒިމާ ވަނީ ފުރުއްވާފައެވެ.
އައިޖީއެމްއެޗްގެ ނަރުހެއްގެ ގޮތުގައި 25 އަހަރަށް ވުރެ ގިނަ ދުވަސްތަކެއް ވަންދެން ހިދުމަތް ކުރައްވާފައިވާ ނާޒިމާ ވަނީ އެންމެ ފަހުން ބޭއްވި ރައްޔިތުން މަޖިލީހުގެ އިންތިހާބުގައި ޕީޕީއެމް/ ޕީއެންސީގެ ޕްރައިމެރީގައިވެސް ވާދަކުރައްވާފައެވެ. ޕްރައިމެރީގައި އޭނާ ވާދަކުރެއްވީ ކުޅުދުއްފުށި ދެކުނު ދާއިރާއަށެވެ. 4 ކެނޑިޑޭޓުން ވާދަކުރި އެ ދާއިރާއިން ނާޒިމާއަށް އިންތިހާބުގައި ލިބިވަޑައިގަތީ 3 ވަނައެވެ.
2014 ވަނަ އަހަރު ބޭއްވި ރައްޔިތުން މަޖިލީހުގެ އިންތިހާބުގައިވެސް ނާޒިމާވަނީ ކުޅުދުއްފުށި ދެކުނު ދާއިރާއަށް ވާދަކުރެއްވިއެވެ.
