މާލެ ސިޓީން ފަގީރުންނާއި މިސްކީނުންގެ ދަފުތަރުގައި އަލަށް ރަޖިސްޓްރީވާން ބޭނުންވާ ފަރާތްތަކަށް އަންނަ އާދިއްތަ ދުވަހުން ފެށިގެން ރަސްމީ ބަންދު ނޫން ކޮންމެ ދުވަހެއްގެ ހެނދުނު 9:30އިން މެންދުރުފަހު 12:00ގެ ނިޔަލަށް ފޯމު ހުށައެޅުމުގެ ފުރުސަތު ހުޅުވާލާފައިވާކަމަށެވެ.
މި އަހަރުގެ ފިތުރު ޒަކާތުގެ ފައިސާ ލިބިފައިވާ މީހުންގެ ތެރެއިން ހާލަތު ބަދަލުވުމުގެ ސަބަބުން ދަފުތަރުން އުނިވެފައިވާކަން އަންގާފައިނުވާ މީހުންނަކީވެސް މިވަގުތު ފަގީރުންނާއި މިސްކީނުންގެ ދަފުތަރުގައި ހިމެނޭ މީހުންކަމަށްވާތީ އެ މީހުން ދަފްތަރުގައި ރަޖިސްޓްރީވާން އަލުން ފޯމު ހުށައަޅަން ނުޖެހޭނެކަމަށްވެސް ޒަކާތު ހައުސް އިން ބުނެއެވެ.
ދަފުތަރުގައި ރަޖިސްޓްރީވާން ބޭނުންވާ ފަރާތްތަކުން ހުށަހަޅާ ފޯމު އެ އިދާރާގެ ކައުންޓަރުންނާއި އިދާރާގެ ވެބްސައިޓް https://zakathouse.gov.mv/ ލިބެން ހުންނާނެކަމަށްްވެސް އެ އިދާރާއިން ބުނެއެވެ.
ރާއްޖެއިން ފަގީރުކަން ނައްތައިލާ ޒަކާތާ ބެހޭ ކަންކަން ވިހާ ވެސް ހަރުދަނާކޮށް ހިންގުމަށް، ދިވެހި ރާއްޖޭގެ ޒަކާތު ހައުސްގެ ނަމުގައި ވަކި އިދާރާއެއް ސަރުކާރުން އުފެއްދީ މިއަހަރު ޖެނުއަރީ މަހުގެ 2 ވަނަދުވަހުއެވެ. މި އިދާރާގެ ބޭނުމަކީ ރާއްޖޭގައި ޒަކާތުގެ އިލްމު ފެތުރުމާއި، ޒަކާތް ނެރުމާއި ޒަކާތާ ގުޅޭ ގޮތުންހޭލުންތެރިކުރުމުގެ މަސައްކަތް ކުރުމެވެ.
މިގެއިތުރުން ޒަކާތު ފަންޑަށް ލިބޭ ފައިސާ އިންވެސްޓްކޮށް، އިތުރުކުރުމާއި އެ ފަންޑަށް ލިބޭ ފައިސާއިން ބޭނުންތެރި މުހިންމު މަޝްރޫއުތައް ހިންގުމަކީވެސް މި އިދާރާގެ ޒިންމާތަކުގައި ހިމެނޭކަމަކެވެ.
