އުމުރުން 39 އަހަރުގެ ޗެތްރީ ގައުމީ ޓީމަށް ކުޅުނު ހުއްޓާލަން ނިންމިކަން މިއަދު އިއުލާން ކުރިއިރު، ގައުމީ ޓީމަށް އޭނާ ކުޅޭ ފަހު މެޗަކީ، އަންނަ މަހުގެ ހަވަނަ ދުވަހު ކުވައިތާ ދެކޮޅަށް ކުޅޭ މެޗެވެ. ވޯލްޑް ކަޕް ކޮލިފައިންގައި އަންނަ މަހު ހައެއްގައި ކުވޭތާ ދެކޮޅަށް އިންޑިއާ ކުޅޭ މެޗު އޮންނާނީ އިންޑިޔާގެ ފުޓްބޯޅައިގެ ހިތް ކަމުގައި ބެލެވޭ ކަލްކަތާގައެވެ.
ސާފް ޗެމްޕިއަންޝިޕްގައިވެސް އެންމެ ގިނަ ލަނޑު ޖެހި އެއް ކުޅުންތެރިޔާ ކަމަށްވާ ސުނިލް ޗެތްރީ ގައުމީ ޓީމަށް ކުޅުނު ހުއްޓާލަނީ 19 އަހަރު އިންޑިޔާގެ ގައުމީ ޓީމަށް ކުޅުމަށް ފަހުއެވެ. މި ވަގުތުވެސް ކުޅެމުންދާ ކުޅުންތެރިންގެ ތެރެއިން، ގައުމީ ޓީމަށް އެންމެ ގިނަ ލަނޑު ޖެހި ކުޅުންތެރިންގެ ލިސްޓްގައި ތިންވަނައިގަ އޮތީ ޗެތްރީއެވެ. އެ ލިސްޓުގައި ޗެތްރީގެ ކުރީގައި ތިބި ދެ ކުޅުންތެރިންނަކީ ކްރިސްޓިއާނޯ ރޮނާލްޑޯ އާއި ލިއޮނެލް މެސީއެވެ.
ޗެތްރީވަނީ ގައުމީ ޓީމާއެކު އަދި ކްލަބާއެކު ރާއްޖޭގައިވެސް އަދި ދިވެހި ކްލަބުތަކާ ދެކޮޅަށް އެތައް ފަހަރަކު ކުޅެފައެވެ.
