ރައީސް ޔާމީންގެ އެންމެ އަރިސްކޮށް ކުރިން ހުންނެވި މިހާރު ރައީސް މުއިއްޒުގެ އިސް މުޝީރު އަބްދުއްރަހީމް އަބްދުﷲ ދަރިކަލުން ފައިސަލް ވަނީ ރައީސް ޔާމީންނަށްް ވަރަށް ބޮޑަށް ފާޑު ވިދާޅުވެފައެވެ.
ޓީވީ ޕްރޮގްރާމެއްގައި ވާހަކަ ދައްކަވަމުން ފައިސަލް ވިދަޅުވީ ރައީސްް ޔާމީން ފުރަތަމަ ވެރިކަމަށް ވަޑައިގަތް އިރު އެއީ މި ރާއްޖޭގެ ރައްޔިތުންގެ މެދުގައި މަގްބޫލޫ ބޭފުޅެއް ނޫންކަމަށެވެ. ފައިސަލް ވިދާޅުވީ ދިވެހިންގެ މަދުގައި މަގްބޫލު ބޭފުޅަކަށް ރައީސް ޔާމީން ހަދާދިނީ އެ ބޭފުޅުންކަމަށެވެ.
ވަރުގަދަ ބަހުގެ ހަމަލާތަކެއް ރައީސް ޔާމިނަށް ދެއްވަމުން ފައިސަލް ވިދާޅުވީ ޕީއޭ އުފައްދަން ފޯމު ހަމަކޮށްދީނީވެސް އެ ބޭފުޅުންކަމަށެވެ. އަދި ރައީސް ޔާމީނަށް އޭރު ތާއީދު ހޯދައިދޭން މަސައްކަތް ކުރި އިރު އުމުރަކީ އެންމެ 17 އަހަރުކަމަށްވެސް ފައިސަލް ވިދާޅުވިއެވެ.
ފައިސަލް ވިދާޅުވީ ރައީސް ޔާމީން ރައީސް ޔާމީންކަށް ވާން ދިމާވި އެންމެ ބޮޑު ސަބަބަކީ ލ އަތޮޅުން 4 ގޮނޑި ޕީއޭ ޑިއާރުޕީ ހެދި ކޯލިޝަނަށްް ލިބުންކަމަށެވެ. އަދީ ރައީސް ޔާމީން މަގުބޫލު ވާން ލިބުނު ޕެލްޓް ފޯމަކީ އެއީކަމަށާ އެއްޗެހި ކިޔަން ލަދުގަންނަން ޖެހޭކަމަށް ފައިސަލް ވިދާޅުވިއެވެ.
ޓްއަރިޒަމް މިނިސްޓަރުގެ ގޮތުގައި ހުންނެވި އިބްރާހިމް ފައިސަލް ބޭރުގެ ބައެއް ހަފްލާތަކާއި ޗެނަލްތަކަސް ދެއްވާފައިވާ އިންޓަވިއތަކާއި ގުޅިގެން ގިނަ ފާޑުކިޔުންތައް އަމާޒުވިއެވެ. އޭގެތެރޭގައި ރައީސް ޔާމީން އިއްވެ ހުންނަވާ އުފެެއްދެވި ޕީއެންއެފްގެ އިސް ސަފުގައި ތިއްބެވި ޑރ. މުހައްމަދު ޖަމީލް އަހްމަދާއި މަލީހް ޖަމާލު ހިމެނިވަޑައިގަންނަވައެވެ. ޑރ.ޖަމީލާއި މަލީހު ގެންދަަވަނީ ސޯޝަލް މީޑިއާގައި ފައިސަލަށް ވަރަށްް ބޮޑަށް ފާޑުކިޔުންތައް އަމާޒުކުރަމުންނެވެ.
