2014 ވަނަ އަހަރުން ފެށިގެން ރިއާލްއަށް ކުޅެމުން އަންނަ، ކުރިން ވޯލްޑްކަޕްވެސް ހާސިލްކޮށްފައިވާ ޓޯނީ ކްރޫސް ނިންމާފައިވަނީ، އަމިއްލަ ގައުމުގައި އޮންނަ ޔޫރޯއަށް ފަހު ކްލަބު އަދި ގައުމީ ޓީމަށްވެސް ކުޅުން ހުއްޓާލާށެވެ. އޭނާ ކުޅުން ހުއްޓާލާނީ މި ޖީލުގެ އެންމެ މޮޅު އެއް މިޑްފީލްޑަރުގެ ގޮތުގައެވެ.
ކްލަބު ފުޓްބޯޅައިގައި އޭނާ މި ސީޒަންގައި އަދި ރިއާލްއާ އެކު ޗެމްޕިއަންސް ލީގުގެ ފައިނަލުގައި ކުޅޭނެއެވެ.
އުމުރުން 34 އަހަރުގެ ކްރޫސް ވަނީ ބަޔާން މިއުނިކްގެ ޒުވާން ޓީމުގައި ކެރިއަރު ފެށި ފަހުން އެންމެ ފަހުން ރެއާލް މެޑްރިޑާ ގުޅުވައި، ފާއިތުވި ދިހަ އަހަރު ތެރޭގައި އެ ޓީމުގެ ކާމިޔާބީގައި މުހިއްމު ދައުރެއް އަދާކޮށްފަ އެވެ. ކްރޫސް ވަނީ މެޑްރިޑަށް ލަލީގާގެ ހަތަރު ތަށި، އަދި ހަތަރު ޗެމްޕިއަންސް ލީގު ހޯދުމުގެ އިތުރުން 2014 ވަނަ އަހަރު ޖަރުމަނުން ވޯލްޑް ކަޕް ކާމިޔާބުކުރިއިރު ތަރިންގެ ރޯލެއް ކުޅެފަ އެވެ.
