މެޓް އޮފީހުން ވަނީ ބ. އަތޮޅުން ފެށިގެން ވ. އަތޮޅަށް އޮރެންޖު އެލާޓު ނެރެފައެވެ. މިހާރު ނެރެފައިވާ އޮރެންޖު އެލާޓުގެ ވަގުތަކީ މިއަދު ހެނދުނު 9:00 އިން 12:00 އެވެ.
މެޓް އޮފީހުން ބުނީ އެ ސަރަހައްދަށް ވަރަށް މޫސުން ގޯސްކަމަށެވެ. އެގޮތުން ބޯކޮށް ވާރޭވެހި ގަޑިއަކު 34 މޭލާއި 40 މޭލުގެ ބާރުމިނުގައި ވައި ޖެހޭނެ ކަމަށެވެ. އަދި ވިލާގަނޑުގައި ގަޑިއަކު 60 މޭލަށް ވައި ޖެހޭނެ ކަމަށް ލަފާކުރެވޭކަމަށާއި ކަނޑުތައް ވަރަށް ގަދަވާނެ ކަމަށް ލަފާކުރެވޭކަމަށްވެސް މެޓް އޮފީހުން ބުނެއެވެ.
މެޓް އޮފީހުން ބުނީ ވައިގަދަވެ، އަދި ކަނޑުތައް ވެސް ގަދަވާނެތީ އުދަ އަރާނެ ކަމަށް ލަފާކުރެވޭކަމަށެވެ. ރާޅުގެ އުސްމިން ހުންނާނީ 6 ފޫޓާއި 9 ފޫޓާއި ދެމެދުގަައިކަމަށްވެސް މެޓް އޮފީހުން ބުނެއެވެ. މޫސުމަށް ސަމާލުވުމަށް އެ އިދާއިރާއިން ވަނީ ިއލްތިމާސްކޮށްފައެވެ.
މި ދުވަސްވަރު މޫސުން ގޯސްވެ ކަނޑުތައް ގަދަވާނެތީ ރޭގަނޑު ދަތުރުނުކުރުމަށް އެމްއެންޑީއެފުންވެސް ވަނީ އިލްތިމާސްކޮށްފައެވެ. އަދި ވައި ބާރުވެ ގަސްތައް ވެއްޓި ބައެއް ހާދިސާތައް އަންނަނީ ހިނގަމުންނެވެ.
