އަންނަ މަހު ޕީއެފްއެލް ފަށާއިރު، މި ލީގުގެ އެމްބެސެޑަރަކަށް ކަނޑައަޅާފައިވަނީ އިގިރޭސި ތަޖުރިބާކާރު ފޯވާޑް މައިކަލް އޮވެންއެވެ. ލާހޯރުގައި ޕީއެފްއެލް ލޯންޗް ކުރާއިރު 25 އަށް ވުރެ ގިނަ މެންބަރުންގެ ބޭރުގެ ވަފުދެއް ބައިވެރިވާއިރު، މި ވަފްދު ލީޑު ކުރާނީ ލީގުގެ އެމްބެސަޑަރު އޮވެންއެވެ.
މި އިވެންޓް އިންތިޒާމް ކުރަނީވެސް އިގިރޭސިވިލާތުގެ މަޝްހޫރު ގްރޫޕަކުންނެވެ. ރިޕޯޓްތައް ބުނާ ގޮތުން ޕާކިސްތާނުގައި ފުޓްބޯޅަ ތަރައްގީ ކުރުމަށް ބައިނަލްއަގުވާމީ ގުޅުންތައް އެ ގްރޫޕުން ބޭނުން ކުރާނެ ކަމަށެވެ.
އޯގަނައިޒާސް އިން ބުނާ ގޮތުގައި ޕީއެފްއެލް އިން ޕާކިސްތާނުގެ ހުރިހާ ހިސާބަކުން އެންމެ މޮޅު ފުޓްބޯޅަ ހުނަރުވެރިން އެއްތަނަކަށް ގެނެސް، ކުޅުންތެރިންނަށް ހުނަރު ދައްކާލުމަށާއި އެންމެ މަތީ ފެންވަރުގައި ވާދަކޮށް ހުވަފެންތައް ހާސިލް ކުރުމަށް ޕްލެޓްފޯމެއް ހުށަހަޅާނެ އެވެ. އެމީހުން ބުނާ ގޮތުގައި ޕީއެފްއެލް އަކީ ހަމައެކަނި ފުޓްބޯޅައެއް ނޫނެވެ؛ އެއީ މުޖުތަމަޢުތައް އެއްބައިވަންތަކުރުމާއި، ތަފާތުކަން ފާހަގަކުރުމާއި، ކުޅިވަރުގެ ހެޔޮ ސަގާފަތެއް ކުރިއެރުވުމެވެ.
އެ ޓީމުގެ މިޝަނަކީ ޕާކިސްތާނުގެ ފުޓްބޯޅައިގެ ކުޅިވަރުގެ އިކޯސިސްޓަމް ބަދަލުކުރުން ކަމަށް މި ޕްރޮޖެކްޓްގައި އިސްކޮށް އުޅޭ ބޭފުޅުން ދެކެއެވެ.
