"ސީއެންއެމް" އަށް އެނގިފައިވާ ގޮތުގައި، ވަޖުދީ ސަސްޕެންޑްކޮށްފައި ވަނީ އޭނާއާ ގުޅިގެން ބަލަމުންދާ ސުލޫކީ މައްސަލައަކާ ގުޅިގެންނެވެ.
ކުރިން ނޫސްވެރިއެއްގެ ގޮތުގައި ވެސް މަސައްކަތް ކުރެއްވި ވަޖުދީ އަކީ ދިވެހި ލެންގްއޭޖް ކަލްޗާ އެންޑް ހެރިޓޭޖްގެ ޑެޕިއުޓީ މިނިސްޓަރެކެވެ.
މިއީ 24 ގަޑިއިރުގެ ތެރޭގައި ސަރުކާރު ކުންފުންޏަކުން ވަކިކުރި ހަތަރު ވަނަ އިސް މީހާ އެވެ. އެއީ މިފްކޯގެ މެނޭޖިން ޑިރެކްޓަރު އަހުމަދު ޝަމާހު އާއި އެމްއެމްޕީއާރުސީގެ މެނޭޖިން ޑިރެކްޓަރު ފާތިމަތު ތައުފީގު (ކުޑީ) އެވެ. އަދި އެޗުޑީސީގެ ޗެއާމަންކަމަށް މި ސަރުކާރުން ހަމަޖެއްސި އަހުމަދު ޒުހޫރު އެ މަގާމުންނާއި އެޗްޑީސީގެ ބޯޑުގެ ޑިރެކްޓަރު ކަމުން ވެސް މިއަދު ވަނީ ވަކިކޮށްފަ އެވެ.
ހަމައެހެންމެ، އެމްއެމްޕީއާރުސީގެ ޗެއާޕާސަން ކަމުގައި ހުންނެވި އައިޝާ ނޫރެއިން ޖަނާހު ވަނީ އިއްޔެ އެ ކުންފުނީގެ ބޯޑުން އިސްތިއުފާ ދެއްވާފަ އެވެ.
ސިޔާސީ މަގާމުތަކުގެ މި "ކުއްލި ބަދަލު" ތަކާއި ގުޅޭގޮތުން މިހާތަނަށް ސަރުކާރުން ވާހަކަ ދައްކާފައެއް ނުވެ އެވެ.
