މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މި ކޮންފެރެންސް އާބެހޭގޮތުން މައުލޫމާތު ދެއްވަމުން ތަރުޖަމާނު ހީނާ ވަނީ އެންޓިގުއާ އަދި ބާބުޑާ ގައި ބާއްވާ މި ކޮންފެރެންސް ގައި ރައީސް މުއިއްޒު ރާއްޖެއަށް ތަރައްގީގެ ނަމުގައި ހުރި ގޮންޖެހުންތަކާއި ގުޅޭގޮތުން ހިއްސާކުރައްވާނެކަމަށް ވިދާޅުވެފަ އެވެ. އަދި އެފަދަ ކަންކަމުން އަރައިގަތުމަށްޓަކައި އެހީތެރިކަން ބޭނުންވާނެ ގޮތްތައް އެ ކޮންފަރެންސްގައި ރައީސް ހިއްސާކުރައްވަމުން ގެންދަވާނެކަމަށްވެސް ހީނާ މައުލޫމާތުދެއްވި އެވެ.
ރައީސް ގެ އިތުރުން މި ކޮންފަރެންސްއަށް ސަރުކާރުގެ އިސް ވަފުދެއް ވަޑައިގަތުމަށް ވަނީ ހަމަޖެހިފައެވެ. އެގޮތުން ހާރިޖީ ވަޒީރު މޫސާ ޒަމީރު، އެންވަޔަރަމަންޓަލް މިނިސްޓަރު ތޯރިގް އިބްރާހީމް، ހައުސިން މިނިސްތަރު ޑރ.އަލީ ހައިދަރު، އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު ، ކްލައިމެޓް ޗޭންޖް އެންވޯއީ އަލީ ޝަރީފު، އެމްބެސަޑާ އެޓް ލާޖް: ޕާމަނަންޓް މިޝަންގައި ހުންނަވާ ޑރ.އަލީ ނަސީރު މުހައްމަދު އަދި އޭގެ އިތުރުން ޗީފް އޮފް ޕްރޮޓޮކޮލް މުހައްމަދު ޝަހުދީ ބައިވެރިވަޑައިގަތުމަށް ވަނ ހަަމޖެހިފައެވެ. އަދި ސަޕޯޓު ސަޕޯޓު ސްޓާފުންގެ ގޮތުގައި ސަރުކާރުގެ ޓީމެއް މި ކޮންފަރެންސް އަށް ވަޑައިގަންނަވާނެކަމަށް ހީނާ ވިދާޅުވި އެވެ.
ކޮންފަރަންސްއަށް ރައީސް ކުރައްވާ ދަތުރާ ބެހޭ ގޮތުން މައުލޫމާތު ދެއްވަމުނ ރައިސް އިތުރަށް ވިދާޅުވީ ވީހާވެސް ކުޑަ ވަފުފެއް މިފަހަރުގެ މި ޑެލެގޭޝަން ކަނޑައެޅުއްވުމަށް ސަރުކާރުން ވަަރަށް ބޮޑަށް މަސައްކަތްކުރައްވާފައިވާލަމަށެވެ. އަދި އެންޓިގުއާ އަދި ބާބުޑާއަށް ރައީސް ކުރައްވާ ދަތުރުފުޅަކީ ވަަރަށް ދުރައް ކުރައްވަން ޖެހޭ ދަތުރުފުޅެއްކަމަށާއި ރައީސްގެ 6 ސްޓޭތްމަންޓްއެއް މި ކޮންފަރެންސްގައި އިއްވުމަށް ވެސް ހަަމޖެހިފައިވާކަމަށެވެ.
މި ދަތުރުފުޅާ ބެހޭގޮތުން އިތުރަށް މައުލޫމާތު ދެއްވަމުން އެންވަޔަރަމަންޓަލް މިނިސްޓަރު ތޯރިގް އިބްރާހީމް ވިދާޅުވީ ސިޓްސް އަކީ ތަރައްގީވަމުން އަންނަ ކުދި ޖަޒީރާ ގައުމުތަކުން ބާއްވާ ޖަލްސާ ކަަމށެވެ. އަދި މިފަހަރު މިއީ މީގެ 4 ވަަނަ ޖަލްސާ ކަަށްވާއިރު މި ޖަލްސާތައް ބޭއްވިގެން އަންނަނީ ކޮންމެ 10 އަހަރަކުން ކަަމަށް މިނިސްޓަރު ތޯރިގު ވިދާޅުވި އެވެ.
ވޭތުވެދިޔަ އަހަރުތަކުގެ ތެރޭގައި ކުދި ޖަޒީރާ ގައުމުތަކުން ސިޓްސް ކޮންފެރެސްގައި އެއްބަސްވެފައިހުރި ކަންކަމަށް ބަލާއިރުގަ މޫސުމަށް އަންނަ ބަދަލުތަކުގެ ސަބަބުން، ކުދި ޖަޒީރާ ގައުމުތަކަށް ލިބޭ ގެއްލުން ފޫ ބެއްދުމަށްޓަކައި ކުރަން ޖެހޭ ބައިވަރު ގިނަ މަސައްކަތްތަކެއް ހިމެނެކަމަށް މިނިސޓަރު ތޯރިގު ފާހަގަކުރެއްވިއެވެ. އެގޮތުން ދެމެހެއްޓެނިވި ތަރައްގީއަށް އޭގެތެރެއިން ހާއްސަކޮށް ސިއްހަތާއި، ތިމާވެށީގެ ކަންކަން ހައްލުކުރަން ހުރި ބައިވަރު މަސައްކަތްތައް ހިމެނޭ ކަަމަށް މިނިސްޓަރު ވިދާޅުވި އެވެ.
މި ކޮންފަރެންސް ކުރިއަށްދާނީ މިމަހުގެ 27 އިން 30 ވަނަ ދުވަހުގެ ނިޔަލަށެވެ.
